બિગ બોસ 14નું ફેમસ કપલ જસ્મીન ભસીન અને અલી ગોની આ દિવસોમાં મોરેશિયસમાં વેકેશન માણી રહ્યા છે અને સોશિયલ મીડિયા પર સતત ફોટા અને વીડિયો શેર કરી રહ્યાં છે. ગુરુવારે, અલીએ તેના ઇન્સ્ટાગ્રામ પર મોરેશિયસનો એક નવો વીડિયો શેર કર્યો, જેમાં તે તેની ગર્લફ્રેન્ડ સાથે સમુદ્રની વચ્ચે મસ્તી કરી રહ્યો છે.
અભિનેતા અલી ગોનીએ આ વીડિયો શેર કર્યો છે, જેમાં તે મોરેશિયસની યોટ પર જાસ્મિન સાથે રોમેન્ટિક અંદાજમાં જોવા મળી રહ્યો છે.
આ પહેલા કપલે કેટલાક ફોટો શેર કર્યા હતા, જેમાં બંને જંગલમાં ફરતા જોવા મળ્યા હતા. શેર કરાયેલી ઘણી તસવીરોમાં સિંહની ઝલક પણ જોવા મળી હતી. સિંહ જ્યારે આગળ ચાલી રહ્યો હતો ત્યારે જાસ્મિન અને અલી ગોની પાછળ કેટલાક લોકો સાથે જોવા મળ્યા હતા.
આ કપલ ઘણા વર્ષોથી એકબીજાને ડેટ કરી રહ્યું છે અને તેમના લગ્નના સમાચાર પણ દરરોજ બહાર આવે છે. તાજેતરમાં, ઇન્સ્ટન્ટ બોલિવૂડ સાથેની વાતચીત દરમિયાન અલી ગોનીએ તેના લગ્નના આયોજન વિશે વાત કરી. અભિનેતાએ કહ્યું કે તેની માતા તેને લગ્ન કરવા માટે કહી રહી છે, તે અને જાસ્મિન પણ તેના માટે તૈયાર છે. આગળ અભિનેતાએ કહ્યું કે મને લાગે છે કે કદાચ ટૂંક સમયમાં તમે તેના વિશે સાંભળશો.
અભિનેત્રી જાસ્મીન ભસીન હાલમાં તેના બોયફ્રેન્ડ અલી ગોની સાથે મોરેશિયસમાં રજાઓ માણી રહી છે. તેણે સોમવારે તેના 'અનઇન્ટ્રપ્ટેડ બ્રેકફાસ્ટ'નો વીડિયો શેર કર્યો હતો. 'બિગ બોસ 14' ફેમ અભિનેત્રીએ ઇન્સ્ટાગ્રામ સ્ટોરીઝમાં એક વીડિયો શેર કર્યો હતો, જેમાં લીલાછમ વૃક્ષો અને સમુદ્રની ઝલક દેખાઈ રહી છે.
અભિનેતા અલી ગોની અને જસ્મીન ભસીન ટીવી ઈન્ડસ્ટ્રીનું ફેવરિટ કપલ છે. લોકો બંનેની જોડીને ખૂબ પસંદ કરે છે. 'બિગ બોસ 14'ના ઘરમાં શરૂ થયેલો પ્રેમ કોઈનાથી છુપાયેલો નથી. બંનેએ શોમાં જ પોતાની લાગણી વ્યક્ત કરી હતી અને ત્યારથી બંને સાથે છે. બંને કોઈ પણ ઈવેન્ટ કે પાર્ટીમાં સાથે જોવા મળે છે. આટલું જ નહીં બંને સોશિયલ મીડિયા પર એકસાથે અનેક તસવીરો પણ પોસ્ટ કરતા રહે છે. તાજેતરમાં જ બંને તેમના લગ્નના સમાચારને લઈને ચર્ચામાં આવ્યા હતા.