Stars Got Slapped In Public: તાજેતરની લોકસભા ચૂંટણી જીત્યા બાદ બોલિવૂડ એક્ટ્રેસ કંગના રનૌત ચંદીગઢ એરપોર્ટ પર જોવા મળી હતી. આ દરમિયાન મહિલા CISF ગાર્ડે અભિનેત્રીને થપ્પડ મારી હતી. વેલ, આ પહેલીવાર નથી જ્યારે કોઈ ફિલ્મી હસ્તીને થપ્પડ મારવામાં આવી હોય. તેની પહેલા પણ ઘણી એવી ઘટનાઓ બની છે જ્યારે સ્ટાર્સને થપ્પડ મારવામાં આવી હોય.
સલમાન ખાન
કહેવાય છે કે બોલિવૂડ એક્ટર સલમાન ખાનને પણ એક મહિલાએ થપ્પડ મારી દીધી છે. તે વર્ષ 2009 હતું, જ્યારે સલમાન તેના ભાઈ સોહેલ ખાન સાથે દિલ્હીમાં એક પાર્ટીમાં હાજર હતો. પાર્ટીમાં મોનિકા નામની એક મહિલા હતી જે એક અમીર બિલ્ડરની દીકરી હતી. તેમણે બળજબરીથી પાર્ટીમાં પ્રવેશવાનો પ્રયાસ કર્યો હતો. સુરક્ષાકર્મીઓએ તેને રોકી હતી પરંતુ તે માનતી નહોતી. ત્યારબાદ સલમાન પણ ત્યાં આવ્યો અને તેને સમજાવવા લાગ્યો. પરંતુ યુવતીએ સલમાનને થપ્પડ મારી હતી.
શાહરૂખ ખાન
શાહરૂખ ખાન જ્યારે બોલિવૂડમાં આવ્યો ન હતો ત્યારે તેને થપ્પડ મારવામાં આવી હતી. મીડિયા રિપોર્ટ્સ અનુસાર, એકવાર શાહરૂખ ખાન ટ્રેનમાં મુસાફરી કરી રહ્યો હતો. ત્યારે એક મહિલાએ તેને થપ્પડ મારી હતી. કહેવાય છે કે સીટ ખાલી ન કરવા પર શાહરૂખને બધાની સામે થપ્પડ મારવામાં આવી હતી.
ગૌહર ખાન
ગૌહર ખાન એક જાણીતી અને સુંદર ટીવી અભિનેત્રી છે. તમને જણાવી દઈએ કે તે બિગ બોસ સીઝન 7 ની વિનર પણ રહી ચુકી છે. વર્ષ 2014માં તેને એક વ્યક્તિએ થપ્પડ મારી હતી. તે રિયાલિટી શો 'ઈન્ડિયાઝ રો સ્ટાર'ના ફિનાલેના શૂટિંગમાં વ્યસ્ત હતી. ત્યારે જ મોહમ્મદ અકીલ મલિક નામના વ્યક્તિએ તેની છેડતી કરી હતી. આ વ્યક્તિએ અભિનેત્રીના ગાલ પર થપ્પડ પણ મારી હતી.
બિપાસા બાસુ
બિપાશા બાસુ વિશે એવું કહેવાય છે કે અભિનેત્રીને કરીના કપૂર ખાને થપ્પડ મારી છે. જો કે, બંનેમાંથી એકેય અભિનેત્રીએ આ વાતને સમર્થન આપ્યું નથી. પરંતુ ઘણા અહેવાલો અનુસાર, 2001માં ફિલ્મ 'અજનબી'ના શૂટિંગ દરમિયાન બંને અભિનેત્રીઓ વચ્ચે કોઈ મુદ્દે ઝઘડો થયો હતો. ત્યારબાદ કરીનાએ ગુસ્સામાં બિપાશાને થપ્પડ મારી હતી.