KL Rahul Athiya Shetty Wedding Video: ભારતીય ક્રિકેટર કેએલ રાહુલ અને બોલિવૂડ અભિનેત્રી આથિયા શેટ્ટી આખરે લગ્નના બંધનમાં બંધાઈ ગયા છે. બંનેએ ખંડાલામાં ખૂબ જ સાધારણ રીતે સાત ફેરા લીધા હતા. લગ્નમાં બંનેના નજીકના મહેમાનો અને પરિવારના સભ્યો જ હાજર રહ્યા હતા. સુનીલ શેટ્ટી અને તેનો પુત્ર અહાન શેટ્ટી પણ બહાર આવ્યા અને મીડિયાને મીઠાઈઓ વહેંચી હતી.
આ પછી પુત્રી આથિયા શેટ્ટીના લગ્ન પર પિતા સુનીલ શેટ્ટીની પહેલી પ્રતિક્રિયા સામે આવી છે. આથિયા અને રાહુલના લગ્ન પર વાત કરતા તેમણે કહ્યું, 'ઓફિશિયલ રીતે કેએલ રાહુલ અને આથિયાના લગ્ન થઈ ગયા છે અને હવે હું સાસરા બની ગયો છું.'
સુનીલ શેટ્ટી અને અહાન શેટ્ટીએ લગ્ન સ્થળ બહાર પાપારાઝી માટે પોઝ આપ્યા હતા. આ દરમિયાન પિતા-પુત્રની જોડી અદ્ભુત લાગી રહી હતી. સુનીલ શેટ્ટી સ્ટીલ ગ્રે શેરવાનીમાં શાનદાર દેખાતો હતો, જ્યારે અહાન શેટ્ટી તેના માથા પર તિલક સાથે ક્રીમ રંગની શેરવાનીમાં જોવા મળ્યો હતો.
આથિયા શેટ્ટીની બેસ્ટ ફ્રેન્ડ ક્રિષ્ણા શ્રોફ લગ્ન સ્થળ પર પહોંચતી જોવા મળી હતી. આ પહેલા કૃષ્ણા શ્રોફે લગ્નની તૈયારી કર્યા બાદની તસવીરો ઈન્સ્ટાગ્રામ પર શેર કરી છે. કૃષ્ણા ઉપરાંત ક્રિકેટર ઈશાંત શર્મા, અંશુલા કપૂર જેવા લોકો લગ્ન સ્થળ પર પહોંચ્યા હતા.
આથિયા શેટ્ટી અને કેએલ રાહુલ લગ્નના બંધનમાં બંધાઈ ગયા છે. લગ્ન બાદ આ કપલની પ્રથમ તસવીર સામે આવી છે. આ કપલ તસવીરોમાં ખૂબ જ સુંદર લાગી રહ્યું છે. આથિયા શેટ્ટી અને કેએલ રાહુલના લગ્નમાં પરિવારના સભ્યો સિવાય કેટલાક નજીકના મિત્રોએ હાજરી આપી હતી.
લગ્નમાં ઓછા લોકો આવ્યા હતા
આથિયા શેટ્ટી અને કેએલ રાહુલના લગ્ન એક ઇન્ટિમેટ ફંક્શન હતું. આમાં બહુ ઓછા લોકોને આમંત્રણ આપવામાં આવ્યું હતું. જોકે, લગ્નમાં કયા મહેમાનો આવ્યા છે તે અંગે કોઈ નક્કર માહિતી નથી. પરંતુ ઘણા ક્રિકેટરો લગ્ન સ્થળ પર જોવા મળ્યા હતા. વરુણ, ઈશાંત શર્મા જેવા ઘણા ખેલાડીઓ આમાં સામેલ છે.