Kusha Kapila Reaction: સોશિયલ મીડિયા ઈનફ્લુએન્સર અને અભિનેત્રી કુશા કપિલા (Kusha Kapila) દરરોજ કંઈક ને કંઈક શેર કરતી રહે છે. તે સોશિયલ મીડિયા પર ખૂબ જ એક્ટિવ છે અને તેના ફેન્સ માટે ફની પોસ્ટ શેર કરતી રહે છે. કુશા છેલ્લા કેટલાક સમયથી તેના પતિ જોરાવર સિંહ અહલુવાલિયાથી છૂટાછેડાને લઈને ચર્ચામાં છે. કુશાએ થોડા સમય પહેલા સોશિયલ મીડિયા પર પોસ્ટ શેર કરીને બધાને છૂટાછેડા વિશે જણાવ્યું હતું. પોતાના અંગત જીવન માટે હેડલાઇન્સ બનાવનાર કુશા કપિલાનું નામ હવે બોલિવૂડ એક્ટર અર્જુન કપૂર સાથે જોડવામાં આવી રહ્યું છે. અર્જુન કપૂરને ડેટ કરવાના સમાચાર જાણ્યા બાદ કુશાએ તેના પર પ્રતિક્રિયા આપી છે.
મલાઈકા અરોરા અને અર્જુન કપૂરના બ્રેકઅપના સમાચાર સતત સોશિયલ મીડિયામાં વાયરલ થતા રહે છે. જો કે બંને આના પર પ્રતિક્રિયા આપવાનું પસંદ કરતા નથી. પરંતુ અર્જુન કપૂરને ડેટ કરવાના સમાચાર પર કુશા ગુસ્સે થઈ ગઈ છે. તેણે સોશિયલ મીડિયા પર પોસ્ટ શેર કરી છે.
કુશા કપિલાએ પ્રતિક્રિયા આપી
કુશા કપિલાએ લખ્યું- રોજેરોજ મારા વિશે આટલી બકવાસ વાંચ્યા પછી મારે મારો એક ફોર્મલ ઈન્ટ્રોડક્શન કરાવવો પડશે. જ્યારે પણ હું મારા વિશે કોઈ બકવાસ વાંચું છું, ત્યારે હું ફક્ત પ્રાર્થના કરું છું કે મારી મમ્મી આ બધું ન વાંચે. તેમની સોશિયલ લાઈફ આમ પણ ખરાબ ચાલી રહી છે.
આ કારણે અફવા ઉડી હતી
હાલમાં અભિનેત્રી કુશા કપિલા તાજેતરમાં કરણ જોહરના ઘરે પાર્ટીમાં ગઈ હતી. જ્યાં અભિનેતા અર્જુન કપૂર પણ હતો. મલાઈકા અરોરા આ પાર્ટીમાં નહોતી. આ પાર્ટીનો એક ફોટો સોશિયલ મીડિયામાં વાયરલ થયો હતો જેમાં બધા કેમેરા માટે પોઝ આપતા જોવા મળ્યા હતા અને અર્જુન કુશાને જોઈ રહ્યો હતો. આ ફોટો સામે આવ્યા બાદ જ કુશા અને અર્જુન કપૂર ડેટ કરતા હોય તેવા સમાચાર સોશિયલ મીડિયામાં વાયરલ થઈ રહ્યા છે.
Join Our Official Telegram Channel:
https://t.me/abpasmitaofficial