Pathaan Lifetime Collection: શાહરૂખ ખાન, દીપિકા પાદુકોણ, જોન અબ્રાહમ અને સલમાન ખાન સ્ટારર ફિલ્મ 'પઠાણ'એ ભારતીય બોક્સ ઓફિસ પર વધુ એક નવો રેકોર્ડ બનાવ્યો છે. કેજીએફ અને બાહુબલી 2 જેવી ફિલ્મોના તમામ રેકોર્ડ તોડી નાખનારી આ ફિલ્મ હવે અન્ય એક કારણથી ચર્ચામાં છે.
અત્યાર સુધીમાં કુલ કલેક્શન કેટલું છે?
શાહરૂખ ખાનની ફિલ્મ 'પઠાણ' એ ફિલ્મોની યાદીમાં સામેલ થઈ ગઈ છે જેણે અત્યાર સુધીમાં 3.25 કરોડથી વધુ ટિકિટ વેચી છે. એકલા ભારતીય બોક્સ ઓફિસ પર ફિલ્મનું કલેક્શન 530 કરોડની આસપાસ પહોંચી ગયું છે. વિશ્વવ્યાપી કલેક્શનની વાત કરીએ તો પઠાણ પહેલેથી જ ₹1000 કરોડનો આંકડો પાર કરી ચૂકી છે.
અગાઉનો રેકોર્ડ સલમાન ખાનના નામે છે
માત્ર 33 દિવસમાં 525 કરોડની કમાણી કરનાર આ ફિલ્મના તમિલ-તેલુગુ વર્ઝનની જ 15 લાખથી વધુ ટિકિટો વેચાઈ છે. દેશભરમાં 3 કરોડથી વધુ ટિકિટ વેચનારી ફિલ્મોમાં છેલ્લું નામ સુપરસ્ટાર સલમાન ખાનની ફિલ્મ 'ટાઈગર ઝિંદા હૈ' હતું. યોગાનુયોગ, શાહરૂખ ખાનની ફિલ્મ 'પઠાણ'માં સલમાન ખાન પણ છે.
આ ફિલ્મોની 3 કરોડથી વધુ ટિકિટ પણ વેચાઈ હતી
જે ફિલ્મોને દર્શકો તરફથી અપાર પ્રેમ મળ્યો અને થિયેટરોમાં 3 કરોડથી વધુ ટિકિટો વેચાઈ તેમાં 'દંગલ', 'સુલતાન', 'કલ હો ના હો', 'ગદર', 'બજરંગી ભાઈજાન', 'પીકે,' ૩ ઈડિયટ્સ’ 'કભી ખુશી કભી ગમ'. જેવી ફિલ્મોનો સમાવેશ થાય છે. 'પઠાણ' પછી 'શહજાદા' અને 'સેલ્ફી' જેવી ફિલ્મો બોક્સ ઓફિસ પર આવી છે, પરંતુ અત્યારે માત્ર 'પઠાણ'નો જ દબદબો છે.