Salman Khan praise Jawan Prevue: શાહરૂખ ખાન અને સલમાન ખાનની મિત્રતા વર્ષો જૂની છે. જો કે એક સમય એવો પણ હતો જ્યારે બંને એકબીજાથી અલગ થઈ ગયા હતા, પરંતુ થોડા વર્ષો પહેલા બંને વચ્ચેનું અંતર દૂર થઈ ગયું અને ચાહકોને તેમની ગાઢ મિત્રતા ફરી જોવા મળી.
શાહરૂખ અને સલમાન એકબીજાને મિત્રો કરતાં વધુ ભાઈઓ માને છે. તેથી જ બંને એકબીજાને પ્રોત્સાહન આપે છે અને વખાણ કરે છે. હવે તાજેતરમાં સલમાને કિંગ ખાનની આગામી ફિલ્મ 'જવાન'ના ટ્રેલરની ઘણા વખાણ કર્યા છે અને ભાઈજાને કહ્યું કે તેઓ પહેલા દિવસે જ જવાન ફિલ્મ જોવા જશે.
ભાઈજાને પોતાની પોસ્ટમાં શું લખ્યું છે?
સલમાને પોતાના ઈન્સ્ટાગ્રામ પર 'જવાન'નો પ્રિવ્યૂ શેર કર્યો છે, જેની સાથે અભિનેતાએ ખૂબ જ રોમાંચક કેપ્શન લખ્યું છે. સલમાનના કેપ્શન પરથી સમજી શકાય છે કે તે તેના મિત્રની ફિલ્મને લઈને કેટલો ઉત્સાહિત છે. અભિનેતાએ કેપ્શનમાં લખ્યું, 'પઠાણ' જવાન બની ગયો, શાનદાર ટ્રેલર, ખૂબ ગમ્યું. આ એક એવી ફિલ્મ છે જે આપણે થિયેટરોમાં જ જોવી જોઈએ. હું પહેલા દિવસે જ તેને જોવા ચોક્કસ જઈશ. વાહ મઝા આવી.
અભિનેતા શાહરુખ ખાન 'પઠાણ'માં જોવા મળ્યો હતો
'જવાન'ની વાત કરીએ તો શાહરૂખની ફિલ્મ 7 સપ્ટેમ્બરે સિનેમાઘરોમાં રિલીઝ થશે. ફિલ્મમાં દીપિકા પાદુકોણ, નયનતારા વિજય સેતુપતિ પણ જોવા મળશે. જોકે આ ફિલ્મમાં દીપિકા ગેસ્ટ અપિયરન્સમાં જોવા મળશે. અગાઉ અભિનેતા 'પઠાણ'માં જોવા મળ્યો હતો જે બ્લોકબસ્ટર હિટ હતી. પઠાણમાં શાહરૂખ સાથે દીપિકા લીડ રોલમાં હતી અને સલમાન ખાન ગેસ્ટ અપિયરન્સમાં હતો. પઠાણની સફળતા બાદ હવે કિંગ ખાનના ચાહકો જવાનની આતુરતાથી રાહ જોઈ રહ્યા છે. ટ્રેલરને લઈને લોકોના સારા રિવ્યુ પણ સામે આવ્યા છે.