Samrat Prithviraj Box Office Collection: ‘સમ્રાટ પૃથ્વીરાજ’ ગયા વીકએન્ડની સૌથી મોટી રિલીઝ હતી. YRF ફિલ્મ જેમાં અક્ષય કુમાર મુખ્ય ભૂમિકામાં છે. ફિલ્મની શરૂઆત સારી રહી હતી. પ્રથમ સપ્તાહમાં ફિલ્મની કમાણીમાં તેજી જોવા મળી હતી પરંતુ જેમ જેમ દિવસો વધી રહ્યા છે ફિલ્મની કમાણીમાં કોઈ ખાસ વધારો જોવા મળી રહ્યો નથી.
ડૉ. ચંદ્રપ્રકાશ દ્વિવેદી દ્વારા નિર્દેશિત આ ફિલ્મની કમાણીમાં મંગળવારે ઘટાડો જોવા મળ્યો હતો. મંગળવારે ફિલ્મે રૂ. 4.25 કરોડની કમાણી કરી હતી, જ્યારે ફિલ્મે સોમવારે 5 કરોડની કમાણી કરી હતી. ફિલ્મ હજુ 50 કરોડના આંકડા સુધી પહોંચી શકી નથી અને હાલમાં કુલ કલેક્શન રૂ. 48.65 કરોડ રૂપિયા પહોંચ્યું છે.
ટ્રેડ એનાલિસ્ટ તરણ આદર્શે ટ્વિટ કરી જણાવ્યું હતું કે સમ્રાટ પૃથ્વીરાજની કમાણીનો ટ્રેન્ડ ચાલુ છે. ખૂબ જ નબળો ટ્રેન્ડ, સપ્તાહના દિવસો અથવા આગામી સપ્તાહના અંતે વધુ કમાણી થવાની ખૂબ ઓછી આશા છે. શુક્રવારે 10.70 કરોડ, શનિવાર 12.60 કરોડ, રવિવાર 16.10 કરોડ, સોમવારે 5 કરોડ , મંગળવાર 4.25 કરોડ. કુલ: ₹ 48.65 કરોડ. #IndiaBiz."
અક્ષય કુમાર સ્ટારર ફિલ્મ અપેક્ષા મુજબની કમાણી કરી રહી નથી. જ્યારે ભૂલ ભૂલૈયા 2ને લોકો સતત પસંદ કરી રહ્યા છે. તેના ત્રીજા મંગળવારે પણ, કાર્તિક આર્યન અને કિયારા અડવાણી સ્ટારર ફિલ્મે રૂ. 2.16 કરોડની કમાણી કરી છે અને હવે ફિલ્મ 200 કરોડના આંકડા તરફ આગળ વધી રહી છે. બોલિવૂડ હંગામાએ અહેવાલ આપ્યો હતો કે ઓછા દર્શકોને કારણે ફિલ્મના ઘણા શો રદ કરવામાં આવ્યા હતા.