હિન્દી સિનેમાના બાદશાહ શાહરૂખ ખાને આજે આ ઈન્ડસ્ટ્રીમાં 30 વર્ષ પૂર્ણ કર્યા છે. આ દિવસે 1992માં કિંગ ખાનની ફિલ્મ ‘દિવાના’ મોટા પડદા પર રિલીઝ થઈ હતી. આ ખાસ દિવસે શાહરૂખ ખાને તેની આગામી ફિલ્મ 'પઠાણ' ('Pathaan')નું મોશન પોસ્ટર શેર કર્યું હતું. પોસ્ટરમાં શાહરૂખ ખાનનો લૂક ખૂબ જ દમદાર લાગી રહ્યો છે. આ ફિલ્મ આવતા વર્ષે 25 જાન્યુઆરીએ રિલીઝ થશે.
શાહરૂખ ખાનનો લુક
શાહરૂખ ખાન 'પઠાણ'માં ભારતીય એજન્ટનો રોલ કરી રહ્યો છે. આ ફિલ્મમાંથી તેનો ફર્સ્ટ લૂક જાહેર કરાયો છે જે લોકોને ખૂબ પસંદ આવ્યો છે. શાહરૂખનને આ પહેલા ભાગ્યે જ કોઈએ આવા લુકમાં જોયો હશે. કિંગ ખાને સોશિયલ મીડિયા પર ફિલ્મનું મોશન પોસ્ટર શેર કર્યું છે.
પોતાનો લુક શેર કરતા શાહરૂખ ખાને લખ્યું, '30 વર્ષ થઈ ગયા અને હજુ પણ વધુ આગળ જઇશું. કારણ કે તમારું સ્મિત અને પ્રેમ અનંત છે. ચાલો તેને ‘પઠાણ’ સાથે આગળ લઈ જઈએ. પઠાણ 25 જાન્યુઆરી 2023ના રોજ રીલિઝ થશે.
શાહરૂખ ખાનના લુક જાહેર થતાની સાથે ટ્વિટર ટ્રેન્ડ થવા લાગ્યું હતું. આ ફિલ્મને લઈને ચાહકોમાં ઉત્સાહ છે. કેટલાક યુઝરે શાહરૂખ ખાનના લૂકની પ્રશંસા કરી હતી. એક યુઝરે લખ્યું-આ પઠાણ માત્ર હાડકાં જ નહીં પણ રેકોર્ડ પણ તોડી નાખશે. બ્લોકબસ્ટર દેખાવ.
Kiara Advani:કિઆરાએ સિદ્ધાર્થ મલ્હોત્રા સાથેના સબંધો પર તોડ્યુ મૌન, રિલેશનશિપને લઈ કહી આ વાત
SBI Balance Check: SBI બેન્કના ગ્રાહકો આ 4 પદ્ધતિથી બેન્ક બેલેન્સ ચેક કરી શકે છે