Shilpa Shetty Fighting Sequence From Her Upcoming Web Series: બોલીવુડ એક્ટ્રેસ શિલ્પા શેટ્ટી સતત પોતાના કરિયરને ટ્રેક પર લાવવાનો પ્રયત્ન કરી રહી છે. ફિલ્મી પડદે દેખાયા બાદ હવે શિલ્પા શેટ્ટી ઓટીટી પ્લેટફોર્મ પર પોતાના ડેબ્યુને લઈ ચર્ચામાં છે. જલ્દી જ હવે શિલ્પા રોહિત શેટ્ટીની સિરીઝ 'ઈંડિયન પોલીસ ફોર્સ'માં જોવા મળશે. હવે આ સિરીઝમાં શિલ્પાનો એક્શન અવતાર સામે આવ્યો છે.
શિલ્પાએ વીડિયો શેર કર્યોઃ
અત્યારે રોહિત શેટ્ટી વેબ સિરીઝ ઈંડિયન પોલીસ ફોર્સનું શૂટિંગ કરી રહ્યો છે. આ દરમિયાન વેબ સિરીઝના સેટ પર એક સીનના થઈ રહેલા શૂટિંગનો એક વીડિયો રિલીઝ કરવામાં આવ્યો છે. જેમાં શિલ્પા શેટ્ટીનો એક્શન અંદાજ જોવા મળી રહ્યો છે. ખુદ શિલ્પાએ પોતાના ઈંસ્ટાગ્રામ પર ઈંડિયન પોલીસ ફોર્સની શૂટિંગ સાથે જોડાયેલ એક વીડિયો શેર કર્યો છે. વીડિયોમાં શિલ્પા શેટ્ટી ખતરનાક એક્શન કરતી જોવા મળી રહી છે.
સિદ્ધાર્થ અને શિલ્પા એક્શન કરતાં દેખાયાંઃ
આ વીડિયોમાં દેખાય છે કે, રોહિત શેટ્ટી આ સીનને શૂટ કરી રહ્યો છે. વીડિયોમાં શિલ્પા શેટ્ટીને બ્લૂ ડ્રેસમાં જોઈ શકાય છે. તે એક રૉડથી ગુંડાઓને પીટતી જોવા મળી રહી છે. વીડિયોમાં સિદ્ધાર્થ મલ્હોત્રા પણ એકશન કરતો જોવા મળી રહ્યો છે. સોશિયલ મીડિયા પર શિલ્પાને આ રુપમાં જોઈને ફેન્સ આ સિરીઝ માટે ખુબ જ એક્સાઈટેડ છે.