Sidharth Malhotra Injured During Indian Police Force Shooting: સિદ્ધાર્થ મલ્હોત્રા હાલ વેબ સીરીઝ "ઈંડિયન પોલીસ ફોર્સ"નું ગોવામાં શૂટિંગ કરી રહ્યો છે. રોહિત શેટ્ટીની આ વેબ સીરીઝમાં એક એક્શન સીનના શૂટિંગ દરમિયાન સિદ્ધાર્થ મલ્હોત્રા ઘાયલ થઈ ગયો હતો. આ સમાચાર આવતાં સિદ્ધાર્થના ફેન્સ ચિંતિત થયા હતા. સિદ્ધાર્થે પોતાના હાથ પર થયેલી ઈજાને બતાવતો ફોટો પણ ઈંસ્ટાગ્રામ પર શેર કર્યો હતો. આ ફોટો શેર કર્યાની સાથે સિદ્ધાર્થે એક વીડિયો શેર કર્યો છે જેમાં શૂટિંગ દરમિયાન ઘાયલ થતો સિદ્ધાર્થ દેખાય છે.
શૂટિંગ દરમિયાન ઘાયલ થયો સિદ્ધાર્થઃ
આ વીડિયોમાં સિદ્ધાર્થ મલ્હોત્રા એક્શન સીન કરતો દેખાઈ રહ્યો છે જેમાં રોહિત શેટ્ટી કેમેરા શૂટિંગ કરી રહ્યો છે. વીડિયો સાથે એક ફોટો પણ સિદ્ધાર્થે શેર કર્યો છે જેમાં સિદ્ધાર્થ રોહિત શેટ્ટી સાથે હાથ પર પડેલા ઘાના નિશાન બતાવી રહ્યો છે. જો કે આ ફોટોથી તેના ફેન્સની ચિંતા થઈ ઓછી થઈ હતી કારણ કે હાથ ઉપર સિદ્ધાર્થને મામલી ઈજાઓ થઈ છે. વીડિયોમાં સિદ્ધાર્થ પોતાની એક્શન સિકવન્સ શૂટ કરતાં જોરદાર એક્શન કરતો દેખાઈ રહ્યો છે. ઈંસ્ટાગ્રામ પર આ પોસ્ટ શેર કરતાં સિદ્ધાર્થે લખ્યું કે, રોહિત શેટ્ટીનો એક્શન હીરો એટલે સાચો પરસેવો અને સાચું લોહી. રોહિત સર આવા જ જબરદસ્ત એક્શન સિક્વન્સ માટે ગોવામાં કેમેરા પર કામ કરી રહ્યા છે.