R Balki's New Film: સની દેઓલની કમબેક ફિલ્મ 'ચુપઃ રિવેન્જ ઓફ ધ આર્ટિસ્ટ'નું ધમાકેદાર ટ્રેલર રિલીઝ થઈ ગયું છે. ફિલ્મમાં તમને સસ્પેન્સ, થ્રિલ અને ટ્વિસ્ટનો ઘણો મસાલો જોવા મળશે. આર. બાલ્કી (R Balki) એ ફિલ્મનું નિર્દેશન કર્યું છે. ટ્રેલરમાં સની દેઓલનો એંગ્રી યંગ મેનનો લુક જોવા મળી રહ્યો છે. ફિલ્મમાં સની દેઓલ ઉપરાંત દુલકર સલમાન, પૂજા ભટ્ટ અને શ્રેયા ધનવંતરી પણ જોવા મળશે. 1 મિનિટ 58 સેકન્ડના આ ટ્રેલરે દર્શકોના રુંવાડા ઉભા કરી દીધા છે.
અક્ષય કુમારે ટ્રેલર શેર કર્યું
અક્ષય કુમારે તેના ઈન્સ્ટાગ્રામ એકાઉન્ટ પરથી ફિલ્મ 'ચુપઃ રિવેન્જ ઓફ ધ આર્ટિસ્ટ'નું ટ્રેલર રિલીઝ કર્યું છે. ઉપરાંત અક્ષયે પોતાના મિત્ર આર. બાલ્કીને ફિલ્મ માટે શુભેચ્છાઓ પણ આપી છે. આ ફિલ્મ એક એવા આર્ટીસ્ટ વિશે છે જે એક ખતરનાક સિરિયલ કિલર બની જાય છે જે માત્ર ફિલ્મના રિવ્યુ કરતા ફિલ્મ ક્રિટીક્સ (વિવેચકો)ને જ નિશાન બનાવે છે. તેને મારવાની સ્ટાઈલ પણ એકદમ અલગ છે. આ સીરિયલ કિલર જૂની ફિલ્મો દ્વારા પોતાના ટાર્ગેટ શોધી કાઢે છે અને પછી એ જ સ્ટાઇલમાં હત્યા કરે છે.
બિગ બી મ્યુઝિક કમ્પોઝર બન્યા
ઉલ્લેખનીય છે કે 'ચુપ'ની વાર્તા આર. બાલ્કી દ્વારા લખાઈ છે. તેમણે આ ફિલ્મ માટે અભિનેતા-નિર્દેશક ગુરુ દત્તને ટ્રિબ્યુટ પણ આપી છે. આ ફિલ્મ 23 સપ્ટેમ્બરે સિનેમાઘરોમાં રિલીઝ થઈ રહી છે. ફિલ્મનું સંગીત અમિતાભ બચ્ચને આપ્યું છે. એક્ટિંગ અને સિંગિંગ સિવાય હવે બિગ બી આ ફિલ્મથી મ્યુઝિક કમ્પોઝર પણ બની ગયા છે.
આ ફિલ્મથી સની દેઓલ કમબેક કરવા જઈ રહ્યો છે. તેની વાપસીને લઈને તેના ચાહકો ખૂબ જ ઉત્સાહિત છે. 'ચુપઃ રિવેન્જ ઓફ ધ આર્ટિસ્ટ'નું ટ્રેલર રિલીઝ થતાં જ દર્શકોનો સારો પ્રતિસાદ મળી રહ્યો છે, હવે જોવાનું એ રહેશે કે ફિલ્મ બોક્સ ઓફિસ પર કેવું પ્રદર્શન કરે છે.
આ પણ વાંચો...