KGF 2 On OTT: સાઉથ સુપરસ્ટાર યશની હાલમાં જ રિલીઝ થયેલી ફિલ્મ કેજીએફ 2 બોક્સ ઓફિસ પર ભવ્ય સફળતાના શિખર સર કરી ચુકી છે. ફિલ્મના હિંદી વર્ઝને એકલા 400 કરોડથી વધુની કમાણી કરી લીધી છે. જ્યારે ફિલ્મનું વર્લ્ડવાઈડ કલેક્શન જોઈએ તો આંકડો 1000 કરોડ રુપિયાને પાર પહોંચી ગયો છે. ફિલ્મ હજી પણ કેટલાક થિયેટરોમાં ચાલી રહી છે. પરંતુ જો તમે આ ફિલ્મને ઘરે બેઠાં જોવા ઈચ્છો તો હવે તે સંભવ બન્યું છે.
એમેઝોન પ્રાઈમ વીડિયો KGF 2ની ઓટીટી પ્લેટફોર્મ પર આતુરતાપૂર્વક રાહ જોઈ રહેલા લોકો માટે વહેલાં ફિલ્મ જોઈ શકે તે માટે ઓફર લઈને આવ્યું છે. આ ઓફર હેઠળ તમે 199 રુપિયા આપીને પ્રાઈમ વીડિયો પર કેજીએફ 2 જોઈ શકો છો. KGF 2 જોવા માટે તમારે પ્રાઈમ વીડિયોને સબ્સક્રાઈબ કરવાની જરુર પણ નથી. કોઈ પણ વ્યક્તિ આ ફિલ્મ 199 રુપિયા આપીને જોઈ શકે છે.
એમેઝોન પ્રાઈમ વીડિયો પર KGF 2 ફિલ્મ એસડીમાં 5 ભાષાઓમાં જોવા મળશે. કેજીએફઃ ચેપ્ટર 2 સિવાય દર્શકો નવી ભારતીય અને આંતરરાષ્ટ્રીય ફિલ્મો અને દુનિયાની શ્રેષ્ઠ સીરીઝ પણ પસંદગી કરીને ભાડું ચુકવીને જોઈ શકે છે. કેટલાક દિવસો પહેલાં જ એમેઝોન તરફથી માહિતી આપવામાં આવી હતી કે, ફિલ્મને લઈને જલ્દી જ અપડેટ આપવામાં આવશે.