ખરેખરમાં, આ વાયરલ થયેલા વીડિયોમાં સુશાંત માધુરી દિક્ષિતનુ ફેમસ ગીત ચને કે ખેતમાં ડાન્સ કરી રહ્યો છે, સાથે એક છોકરી છે, આ છોકરી સુશાંત સિંહની ભાણી છે. વીડિયોમાં સુશાંત પોતાની ભાણી સાથે મસ્તી સાથે ડાન્સ કરતો દેખાઇ રહ્યો છે.
ખાસ વાત છે કે સુશાંતના પરિવાર સાથેના એક પછી એક વીડિયો રિયા ચક્રવર્તીના તે દાવાઓને ખોટા ઠેરવી રહ્યાં છે, જેમાં કહેવાઇ રહ્યું છે કે સુશાંત અને પરિવાર વચ્ચે સંબંધો સારા ન હતા.
ઉલ્લેખનીય છે કે સુશાંત સિંહ રાજપૂત મોત મામલે તપાસમાં જોડાયેલી સીબીઆઇએ હવે અભિનેતાના મોબાઇલ ફોનને કબજે કરવા માટે મુંબઇ પોલીસને પત્ર લખ્યો છે. સીબીઆઇ સુશાંતના મોબાઇલની તપાસ કરવા માંગે છે, જેનાથી તેના વૉટ્સએપ ચેટની તપાસ થઇ શકે. સાથે એ પણ જાણી શકાય કે સુશાંતે મોબાઇલ દ્વારા આર્થિક લેવડદેવડ કરી હતી.