Monica Oh My Darling Trailer: વર્ષ 2022 બોલિવૂડ માટે બહુ સારું રહ્યું નથી. વર્ષના 10 મહિના વીતી ગયા છે અને અત્યાર સુધી માત્ર કેટલીક પસંદગીની ફિલ્મો જ બોક્સ ઓફિસ પર હિટ રહી છે. 'મોનિકા ઓ માય ડાર્લિંગ' ફિલ્મનું ટ્રેલર રિલીઝ થયું છે. જે ચાહકોને ખૂબ જ પસંદ આવી રહ્યું છે.
રાજકુમાર રાવ આ દિવસોમાં પોતાની આગામી ફિલ્મ 'મોનિકા ઓહ માય ડાર્લિંગ'ને લઈને ઘણા સમયથી ચર્ચામાં છે. અભિનેતાની ફેન ફોલોઈંગ જબરદસ્ત છે. તે પોતાની આગામી ફિલ્મ સાથે જોડાયેલી માહિતી સોશિયલ મીડિયા પર ફેન્સ સાથે શેર કરતો રહે છે. હવે તેની ફિલ્મનું ટ્રેલર પણ રિલીઝ કરવામાં આવ્યું છે.
કેવું છે ફિલ્મનું ટ્રેલર?
ટ્રેલરમાં જોઈ શકાય છે કે રાજકુમાર રાવ હુમા કુરેશીની જાળમાં ફસાઈ ગયો છે અને અભિનેત્રી હુમા કુરેશી તેને બ્લેકમેઇલ કરી રહી છે. ત્યારે સિકંદર ખેર તેને આ મુશ્કેલીઓમાંથી બહાર આવવા માટે હત્યા કરવાની સલાહ આપે છે. રાધિકા આપ્ટે પોલીસ અધિકારીની ભૂમિકામાં અલગ અંદાજમાં કેસ ઉકેલતી જોવા મળી હતી.
શું છે ફિલ્મની વાર્તા?
જો તમે વર્ષ 2018માં આયુષ્માન ખુરાનાની અંધાધૂન જોઈ હોય તો તમે આ ફિલ્મની વાર્તા સમજી શકો છો. આ ફિલ્મનું દિગ્દર્શન કરનાર વાસન બાલા ફરી એક વાર કોમેડી અને ગંભીર મર્ડર મિસ્ટ્રી લઈને આવી રહ્યા છે. ફિલ્મમાં રાજકુમાર રાવ મિસ્ટર જયંતની ભૂમિકા ભજવી રહ્યો છે, જે મોનિકાની ચુંગાલમાંથી બહાર આવવા માટે સંઘર્ષ કરતો જોવા મળે છે. રાજકુમાર રાવ, હુમા કુરેશી, રાધિકા આપ્ટે અને સિકંદર ખેર ઉપરાંત, આ ફિલ્મમાં ભગવતી પેરુમલ, આકાંક્ષા રંજન કપૂર, સુકાંત ગોયલ અને ઝૈન મેરી ખાન પણ છે. 'મોનિકા, ઓ માય ડાર્લિંગ' 11 નવેમ્બર, 2022ના રોજ OTT પ્લેટફોર્મ Netflix પર રિલીઝ થશે.