Urvashi Rautela Video : બોલિવૂડ અભિનેત્રી ઉર્વશી રૌતેલાએ થોડા સમય પહેલાં ફેન્સને કહ્યું હતું કે તે ક્રિકેટ બિલકુલ જોતી નથી. અને તે સચિન તેંડુલકર અને વિરાટ કોહલી સિવાય કોઈ ક્રિકેટર વિશે નથી જાણતી. પરંતુ હવે લાગે છે કે ઉર્વશીએ ક્રિકેટ જોવાનું શરૂ કરી દીધું છે અને તેને પણ આ ગેમ ગમવા લાગી છે.
તમને યાદ હશે કે 28 ઓગસ્ટે ઉર્વશી ભારત-પાકિસ્તાન મેચ જોવા માટે દુબઈ પહોંચી હતી. તે દિવસે ઉર્વશીને સોશિયલ મીડિયા પર ભારે ટ્રોલ કરવામાં આવી હતી. હવે આજે ફરી અભિનેત્રી ભારત-પાકિસ્તાનની મેચ જોવા માટે દુબઈના 'દુબઈ ઈન્ટરનેશનલ સ્ટેડિયમ' પહોંચી છે. ઉર્વશીએ પોતે પોતાના ઈન્સ્ટાગ્રામ પર એક વીડિયો શેર કર્યો છે જેમાં તે પેવેલિયનમાં જોવા મળી રહી છે.
ઉર્વશીએ મેચ પહેલા એક વીડિયો બનાવ્યોઃ
ઉર્વશીએ ઈન્સ્ટા પર શેર કરેલા વીડિયોમાં તે બાર્બી ડોલ જેવી દેખાઈ રહી છે. આ વીડિયોમાં અભિનેત્રીએ બ્લ્યુ કલરનો ડ્રેસ પહેર્યો છે અને તે એટલી સુંદર દેખાઈ રહી છે કે તમે તેના પરથી નજર હટાવી શકશો નહીં. વીડિયોમાં ઉર્વશી પેવેલિયનમાં ઉભી અને પાછળ સ્ટેડિયમમાં બંને ટીમો મેચ માટે તૈયાર થતી જોવા મળે છે. ઉર્વશીના ચાહકોને તેનો વીડિયો ખૂબ જ પસંદ આવી રહ્યો છે અને લોકો તેને લાઈક કરી રહ્યા છે.
કેમ ટ્રોલ થયી હતી ઉર્વશી?
થોડા દિવસો પહેલા ઉર્વશીએ એક ઈન્ટરવ્યુમાં કહ્યું હતું કે, એકવાર ઋષભ પંત તેને મળવા આવ્યો હતો પરંતુ થાક અને નિંદ્રાને કારણે અભિનેત્રી તેને મળી શકી ન હતી. બાદમાં તે મુંબઈ આવીને તેને મળી હતી. ઉર્વશીના આ ઇન્ટરવ્યુ પછી ઋષભે તેને ટોણો માર્યો હતો અને કહ્યું હતું કે, 'બહેન, મારો પીછો કરવાનું છોડી દો.' બંનેની આ પોસ્ટ ખૂબ વાયરલ થઈ હતી. આ જ કારણ છે કે જ્યારે ઉર્વશી 28 ઓગસ્ટે ભારત-પાકિસ્તાન મેચ જોવા આવી હતી ત્યારે તેને ટ્રોલ કરવામાં આવી હતી. જો કે, તે મેચમાં ઋષભ પંત પ્લેઈંગ ઈલેવનમાંથી બહાર રહ્યો હતો.