પોલીસ અધિકારીના કહેવા પ્રમાણે અકસ્માતમાં ત્રણ કાર અને ચાર બાઇકોને નુકસાન પહોંચ્યું છે, આ બનાવમાં કોઈને ઈજા પહોંચી નથી. આ અંગેનો એક વીડિયો વાયરલ થયો છે, જેમાં રુહી પોલીસકર્મીઓ સાથે દલીલો કરી રહી છે. અકસ્માતની જાણ થતાં પોલીસ તેની કાર પાસે પહોંચી હતી, ત્યારે રુહીએ તેમની સાથે ઉગ્ર દલીલો કરી હતી. વીડિયોમાં તેણી પોલીસકર્મીઓ પર મારપીટનો પણ આરોપ લગાવી રહી છે.
આ અંગે પોલીસે જણાવ્યું હતું કે અભિનેત્રી સામે પોલીસ સામે ગેરવર્તન અને દારૂના નશામાં ડ્રાઇવિંગ કરવાની ફરિયાદ નોંધવામાં આવી છે. આ કેસમાં પોલીસે રૂહીના બે મિત્રો રાહુલ સિંઘ અને સ્વપનિલ સિંઘની ધરપકડ કરી છે. તેમના પર પોલીસ સાથે મારપીટ કરવાનો આક્ષેપ છે. આ કેસમાં રૂહીની હજુ સુધી ધરપકડ કરવામાં આવી નથી.