Raju Srivastav: કૉમેડિયન રાજ શ્રીવાસ્તવને આવ્યો હાર્ટ એટેક, જીમમાં કસરત દરમિયાન ઢળી પડ્યા, એઇમ્સમાં ભરતી

મીડિયા રિપોર્ટ અનુસાર, રાજૂ શ્રીવાસ્તવ હૉટલમાં જિમમાં વર્કઆઉટ કરી રહ્યો હતો, ત્યારે તેની સાથે અચાનક દૂર્ઘટના ઘટી ગઇ હતી

મુંબઇઃ જાણીતા કૉમેડિયન રાજૂ શ્રીવાસ્તવ (Raju Srivastav) ને લઇને એક આઘાતજનક ખબર સામે આવી છે. મીડિયા રિપોર્ટ છે કે, રાજૂ શ્રીવાસ્તવની તબિયત ઠીક નથી. અચાનક તબિયત બગડવાના કારણે રાજૂ શ્રીવાસ્તવને દિલ્હીની સરકારી હૉસ્પીટલ એઇમ્સમાં ભરતી કરાવવામાં આવ્યો છે. તેમને હાર્ટ એટેક હોવાની વાત કહેવામાં આવી રહી છે. રાજૂ શ્રીવાસ્તવના ફેન્સ આ વાત સાંભળીને ખુબ જ શોકમાં સરી પડ્યાં છે.  

મીડિયા રિપોર્ટ અનુસાર, રાજૂ શ્રીવાસ્તવ હૉટલમાં જિમમાં વર્કઆઉટ કરી રહ્યો હતો, ત્યારે તેની સાથે અચાનક દૂર્ઘટના ઘટી ગઇ હતી. એક્સરસાઇઝ કરતાં રાજૂ શ્રીવાસ્તવ ટ્રેડમિલ પરથી નીચે પડી ગયો હતો. આ પછી રાજૂ શ્રીવાસ્તવને તાત્કાલિક હૉસ્પીટલમાં લઇ જવામાં આવ્યો હતો. કૉમેડિયનને લઇને સામે આવેલી ખબરથી ફેન્સ ખુબ પરેશાન અને શોકમાં ડુબી ગયા છે. ફેન્સ દુઆ કરી રહ્યાં છે કે રાજૂ શ્રીવાસ્તવ જલદી ઠીક થઇ જાય. ઉલ્લેખનીય છે કે, રાજૂ શ્રીવાસ્તવ એક જાણીતો કૉમેડિયન છે અને ઉત્તરપ્રદેશ ફિલ્મ વિકાસ પરિષદનો ચરેમેન પણ છે.

રાજૂ શ્રીવાસ્તવની વાત કરીએ તો તે કૉમેડીનો બાદશાહ મનાય છે, તેને કેટલીય ફિલ્મો અને ટીવી શૉમાં કામ કર્યુ છે. રાજૂ શ્રીવાસ્તવ પોતાની કેરિયરની શરૂઆત સ્ટેજ શૉથી શરૂ કરી હતી. 

આ પણ વાંચો.........