મુંબઈઃ રણવીર સિંહ માટે 2018 ખાસ રહ્યું છે. વિતેલા વર્ષે રણવીરની પદ્માવત અને સિમ્બા ફિલ્મ બોક્સ પર શાનદાર હિટ સાબિત થઈ હતી. તેનાથી પણ વધારે ખાસ એ રહ્યું કે, ગર્લફ્રેન્ડ દીપિકા પાદુકોણ સાથે લગ્ન કરી લીધા. બન્નેએ ઈટલીમાં લગ્ન કર્યા હતા. લગ્ન બાદ દીપિકા પાદુકોણ અને રણવીર સિંઘ દરેક સ્ટેજ પર તેમનાં પ્રેમનો ખુલ્લમ ખુલ્લા ઇઝહાર કરતા જ રહે છે. જોકે હવે એક વીડિયો સામે આવ્યો છે જેમાં દીપિકા રણવીરને સ્ટેજ પર કીસ કરી રહી છે.


64માં ફિલ્મફેર એવોર્ડમાં રણવીર સિંહને ફિલ્મ 'પદ્માવત' માટે બેસ્ટ એક્ટર ક્રિટિક્સનો એવોર્ડ મળ્યો. રણવીરને આ એવોર્ડ તેની જ પત્ની દીપિકા પાદુકોણનાં હસ્તે મળ્યો. આ એવોર્ડ લેતા સમયે રણવીર સ્ટેજ પર ઘુટણીયે બેસી ગયો. અને તે બાદ તેણે અને દીપિકાએ લિપલોક પણ કર્યું.

રણવીર સિંહ ઉપરાંત આયુષ્માન ખુરાનાને આ કેટેગરીમાં ફિલ્મ 'અંધાધુન' માટે એવોર્ડ મળ્યો. આયુષ્માને કહ્યું કે, દીપિકા અને રણવીર સિંહે તેમનાં હનીમૂન પર અંધાધુન ફિલ્મ જોઇ હતી. અને તે બાદ મને ફોન પણ કર્યો હતો.