બોલીવૂડ એક્ટ્રેસ દીપિકા પાદુકોણે જન્મદિવસ પર ફેન્સને આપી આ ખાસ ગીફ્ટ, જાણો

મુંબઈ: બોલીવુડ એક્ટ્રેસ દીપિકા પાદુકોણે 5 જાન્યુઆરીએ પોતાના 33મા જન્મદિવસની ઉજવણી કરી. ફેન્સ દ્નારા દીપિકાને બર્થડે પર અનેક શુભકામનાઓ મળી હતી. બોલીવૂડમાં દીપિકાની અત્યાર સુધીની સફર શાનદાર રહી છે. સોશિયલ મીડિયા પર દીપિકાની ફેન ફૉલોઇંગ ઘણી જ લાંબી છે. દીપિકાએ પોતાના જન્મદિવસ પર તેના ફેન્સને એક ખાસ ભેટ આપી છે. દીપિકાએ પોતાની વેબસાઇટ લૉન્ચ કરી છે.

દીપિકાએ પોતાની વેબસાઇટ તો ફેન્સ માટે લૉન્ચ કરી, પરંતુ વેબસાઇટની લિંક પર ક્લિક કરતા ખુલી નથી રહી. વેબસાઇટ ન ખુલવાનું કારણ સામે આવ્યું નથી, પરંતુ બની શકે છે કે વધારે ટ્રાફિકનાં આવું બન્યું હોય.

પોતાની વેબસાઈટ લૉન્ચ કરતા પહેલા દીપિકાએ સોશિયલ મીડિયા પર લખ્યું હતુ કે, ‘જલ્દી કંઇક રસપ્રદ સામે આવવાનું છે. તમારા બધા સાથે શેર કરવાની રાહ નથી જોઈ શકતી. ઘણો બધો પ્રેમ.’ દીપિકાની આ પૉસ્ટથી દર્શકોને ઇંતઝાર હતો કે બર્થડે પર દીપિકાની સરપ્રાઇઝ શું હશે? પહેલા લાગતુ હતુ કે દીપિકા પોતાની નવી ફિલ્મની જાહેરાત કરી શકે છે. જો કે આખરે દીપિકાએ પોતાની આ સરપ્રાઇઝ જાહેર કરી છે. દીપિકાએ પોતાની વેબસાઈટ લોન્ચ કરી છે.