ડોનલે કહ્યું કે સેજલે લીપના પ્રથમ શોમાં કામ કર્યું હતું અને હું લીપ બાદ શોમાં જોડાઈ હતી. એવામાં મને તેની સાથે કામ કરવાની તક તો નથી મળી, પરંતુ શોના કો-એક્ટર તેના વિશે ઘણી વાતો કરતા હતા. મે તેના વિશે ઘણી વાર સાંભળ્યું હતું. ભલે મે તેની સાથે કામ નથી કર્યું પરંતુ સીરિયલના તમામ લોકો મારા માટે પરિવાર જેમ છે. તેનું આ રીતે જિંદગી ટુંકાવવી ખૂબ જ દુખદ છે.
સીરિયલમાં સેજલ શર્માના ભાઈની ભૂમિકા નિભાવનાર અંશ બાગરીએ એબીપી ન્યૂઝને કહ્યું અમે સીરિયલમાં 9 મહિના સાથે કામ કર્યું છે. જ્યારે મને સવારે તેના મિત્રનો ફોન આવ્યો, તો મને તેની મોત થયાનો વિશ્વાસ નહોતો. મને લાગ્યું સેજલ પ્રેંક કરાવી રહી છે. અંશે સેજલ વિશે વાત કરતા કહ્યું તે ખૂબ જ ખુશમિજાજ છોકર હતી અને મુશ્કેલીઓનો સામનો કઈ રીતે કરવો તે જાણતી હતી.
અંશે કહ્યું 'તેણે ક્યારેય મને પોતાની મુશ્કેલી વિશે ખુલીને વાત તો નથી કરી પરંતુ મને કામને લઈને તેની મુશ્કેલીનો અંદાજ તો હતો. આ ઈન્ડસ્ટ્રીમાં સામાન્ય વાત છે. સેજલ હંમેશા કહેતી હતી કે તે પોતાના માતા-પિતા અને ભાઈ માટે કંઈક કરવા માંગે છે. હુ હંમેશા તેને બધુ ઠીક થઈ જશે તેવું આશ્વાસન આપતો હતો. મને વિશ્વાસ નથી કે તે આપણી વચ્ચે નથી રહી અને આ રીતે અમને છોડીને જતી રહી છે.'