મુંબઇઃ બહુચર્ચિત ડાન્સ માસ્ટર અને અનુભવી એક્ટર પંડિત વીરુ કૃષ્ણનનું શનિવારે મુંબઇમાં નિધન થઇ ગયુ છે. વીરુ કૃષ્ણને અકેલે હમ અકેલે તુમ, રાજા હિન્દુસ્તાની અને ઇશ્ક જેવી ફિલ્મોમાં મુખ્ય ભૂમિકાઓ નિભાવી હતી. તમામ બૉલીવુડ અભિનેતાઓએ તેમના નિધન પર શોક વ્યક્ત કર્યો છે. એક્ટ્રેસ અથિયા શેટ્ટીએ એક ટ્વીટને રીટ્વીટ કરતાં લખ્યુ છે કે, હે ભગવાન, આ સાંભળીને હું બહુજ દુઃખી છું.
વીરુ કૃષ્ણન એક ફેમસ ડાન્સ ટ્રેનર હતા, તેમને બૉલીવુડની ઢગલબંધ અભિનેત્રીઓને ડાન્સના પાઠ શીખવાડ્યા હતા. તે કેટલીય હિરોઇનોના ગુરુ પણ રહ્યાં છે, એટલું જ નહીં તેમને અનેક ફિલ્મોમાં સાથે કામ પણ કર્યુ છે.
વીરુ કૃષ્ણનના નિધન પર અથિયા શેટ્ટીથી લઇને પ્રિયંકા ચોપડા, કરણવીર બોહરા સહિતના દિગ્ગજ અભિનતાઓએ ટ્વીટ કરીને શ્રદ્ધાંજલિ આપી છે.
