મુંબઈ: અક્ષય કુમાર અને કરીના કપૂર સ્ટારર ફિલ્મ ગુડ ન્યૂઝની રિલીઝ ડેટ જાહેર કરવામાં આવી છે. આ ફિલ્મની રિલીઝ ડેટ કેટલાક નવા પોસ્ટર્ટ સાથે જાહેર કરવામાં આવી છે. આ ફિલ્મ આ વર્ષ ક્રિસમસના તહેવાર પર રિલીઝ થશે. ફિલ્મમાં અક્ષય કુમાર સાથે કરીના કપૂર, કિયારા આડવાણી અને દિલજીત દોસાંઝ મુખ્ય ભૂમિકામાં જોવા મળશે. આ ફિલ્મમાં રિયલ લાઈફમાં એક બાળકને જન્મ આપી ચૂકેલી કરીના કપૂર પરદા પર પ્રેગ્નેન્ટ જોવા મળશે.
ફિલ્મ 'ગુડ ન્યુઝ'નું ફર્સ્ટ લુક પોસ્ટર રિલીઝ કરવામાં આવ્યું છે. આ પોસ્ટર્સમાં કરીના કપૂર અને કિયારા બેબી બંપ સાથે જોવા મળી રહી છે. અન્ય એક પોસ્ટર્સમાં અક્ષય અને દિલજીત બેબી બંપની વચ્ચે ફંસાયેલા જોવા મળી રહ્યા છે.
આ ફિલ્મને કરણ જોહર પ્રોડ્યૂસ કરી રહ્યા છે. આ ફિલ્મનું નિર્દેશન રાજ મહેતાએ કર્યું છે. ફિલ્મ 27 ડિસેમ્બરના રિલીઝ થશે.
