'રેડ'ની આ એક્ટ્રેસ કહ્યું- 'બૉલીવુડમાં કાસ્ટિંગ કાઉચ થાય છે, પણ જો મોં ખોલ્યું તો કેરિયર ખતમ'

મુંબઇઃ બૉલીવુડમાં કાસ્ટિંગ કાઉચ થવાનું અનેકવાર સામે આવ્યું છે. કેટલીક એક્ટ્રેસે સામે આવીને આ વાતનો સ્વીકાર પણ કર્યો છે. હવે આ મુદ્દે અન્ય એક બૉલીવુડ એક્ટ્રેસ સામે આવી છે. એક્ટ્રેસ ઇલિયાના ડીક્રૂઝ મોટુ સ્ટેટમેન્ટ આપ્યું, તેનું માનવુ છે કે આવા મામલામાં પોતાનો અવાજ ઉઠાવવા વાળાની કેરિયર ખતમ થઇ જશે.

પ્રૉફેશનલ ફ્રન્ટની વાત કરીએ તો ઇલિયાના અજય દેવગન સ્ટારર ફિલ્મ ‘રેડ’માં જોવા મળશે, જે 16 માર્ચે રિલીઝ થશે.

તે કહે છે કે વર્ષો પહેલા સાઉથ ફિલ્મ ઇન્ડસ્ટ્રીમાં એક જુનિયર આર્ટિસ્ટે મને આ મામલે ડીલ કરવાની સલાહ માંગી હતી. ત્યારે મે તેને કહ્યું હતું આ તારો નિર્ણય છે આને હું ના નક્કી કરી શકું, આ માટે તારી સાથે કોઇ જબરદસ્તી નથી કરી શકતું. ઘણાબધા લોકો આમ કરે છે, આમ કરવું, ના કરવું તમારા પર નિર્ભર કરે છે.

એક્ટ્રેસે કહ્યું, જો કોઇ એ-લિસ્ટ એક્ટર પર આવો આરોપ લાગે છે, તો તમારે ઘણાબધા લોકોને ભેગા કરવા પડશે, એ-લિસ્ટ એક્ટર અને એક્ટ્રેસીસને પણ. જેથી કોઇ ફરક પડી શકે. કોઇ મોટા સ્ટારની ખોટી ઇમેજ દેખાડવા માટે ઘણાબધા લોકોએ ઉભા કરવા પડશે.

બૉમ્બે ટાઇમ્સને આપેલા ઇન્ટરવ્યૂમાં જ્યારે તેને પ્રશ્ન કરવામાં આવ્યો તો બૉલીવુડ કાસ્ટિંગ કાઉચની સામે અવાજ કેમ નથી ઉઠતો? તેના જવાબમાં તને કહ્યું, સાંભળવામાં થોડુ અજુગતુ લાગશે પણ જે પણ કાસ્ટિંગ કાઉચ વિશે બોલે છે તેની કેરિયર ખતમ થઇ જાય છે.