ઈશાની સગાઈમાં મુકેશ અંબાણીએ રોશનીથી સજાવ્યું ઈટાલી, તસવીરોમાં જુઓ કેવો છે માહોલ

એંગેજમેન્ટ પાર્ટીમાં કરન જોહર સ્ટાલિશ લુકમાં જોવા મળ્યો હતો. જૂહી ચાવલા લાઈટ ગોલ્ડન રંગના લહેંગામાં ગોર્જિયસ લાગતી હતી. આ સિવાય પ્રિયંકા ચોપરા-નિક જોનાસ, અનિલ કપૂર, સોનમ કપૂર-આનંદ આહુજા, જાહન્વી-ખુશી કપૂર, મનિષ મલ્હોત્રા, પ્રિયંકા ચોપરાની મોમ મધુ તથા ભાઈ સિદ્ધાર્થ, સિંગર શાન સહિતના અનેક સેલેબ્સે હાજરી આપી હતી.

સચિન તેંડુલકર, દીકરી સારા તથા પત્ની અંજલી સાથે આવ્યો હતો. જોકે, સોશિયલ મીડિયામાં માત્ર સારા તેંડુલકરની તસવીર વાયરલ થઈ છે. આમિર ખાન પત્ની કિરણ રાવ સાથે આવ્યો હતો. આ સમયે આમિર બ્લેક રંગની શેરવાની તથા વ્હાઈટ પાયજામામાં જોવા મળ્યો હતો. જ્યારે કિરણ રાવ ગ્રીન રંગના સલવારમાં જોવા મળી હતી.

ઈશા-આનંદની સગાઈ બાદ લેકકોમો આખું ઝગમગી ઉઠ્યું હતું. અલગ-અલગ જાતના ફટકાડાઓથી આખા શહેરમાં રોશની પથરાઈ ગઈ હતી. લેક કોમોમાં ઈશા અંબાણીની સગાઈની ચર્ચા દિવસો સુધી થશે તે વાત નક્કી છે.

મુંબઈઃ રિલાયન્સના ચેરમેન મુકેશ અંબાણીની પુત્રી ઈશા અંબાણી તથા ઉદ્યોગપતિ અજય પીરામલના પુત્ર આનંદની સગાઈ ઈટાલીના લેક કોમોમાં યોજવામાં આવી હતી. સગાઈનો કાર્યક્રમ ત્રણ દિવસ સુધી ચાલ્યો હતો. સગાઈમાં બોલિવૂડ હસ્તીઓ અને નજીકના લોકોએ હાજરી આપી હતી.