ભારતીય તેજ બોલર જસપ્રીત બુમરાહે થોડા સમય પહેલા જ સ્પોર્ટ્સ એન્કર સંજના ગણેશન સાથે લગ્ન કર્યાં છે. ફેન્સ હજુ પણ આ નવી નવેલી દુલ્હનની તસવીરો સોશિયલ મીડિયા પર શેર કરે છે. આ બધાની વચ્ચે હાલ સંજના ગણેશનની એક વીડિયો ક્લિપ સોશિયલ મીડિયા પર વાયરલ થઇ છે. આ ક્લિપ ડેટિંગ રિયાલિટી શો સ્પિલ્ટસવિલાની છે.
સંજના ગણેશને સ્પિલ્ટસવિલાની સિઝન 7માં કન્ટેસ્ટન્ટ તરીકે ભાગ લીધો હતો. આ સિઝન 2014માં આવી હતી. આ શો દરમિયાન તેમણે થોડા સમય માટે અશ્વિન કોલને ડેટ કર્યો હતો. અશ્વિન કોલ હવે ટીવી એક્ટર છે. આ સિઝનની એક ક્લિપ ઇન્ટરનેટ પર ઝડપથી વાયરલ થઇ રહી છે.
અશ્વિની કૌલ સાથે લવ એંગલ
સંજનાએ ઇજાના કારણે શો વચ્ચે જ છોડવો પડ્યો હતો. આ સિઝનમાં તેમના કો સ્ટાર અશ્વિન કોલ સાથે તેમનું નામ જોડાયું હતું. જો કે ત્યારબાદ બંને અલગ રીતે જ પાર્ટિસિપેટ કર્યું હતું.
અનેક મેચનું કરી ચૂકી છે હોસ્ટિંગ
સંજના મૂળ પૂણેની છે. તે એક સ્પોર્ટસ પ્રિજેન્ટર છે. તે લોકપ્રિય ચેનલ દ્રારા અનેક મચનું હોસ્ટિંગ કરી ચૂકી છે. તે એક મોડલ પણ રહી ચૂકી છે. થોડા વર્ષ પહેલા તે મિસ ઇન્ડિયા પેઝેન્ટમાં પણ ભાગ લઇ ચૂકી હતી.
બુમરાહ અને સંજનાના લગ્ન 15 માર્ચ ગોવામાં યોજાયા હતા. થોડા દિવસથી જસપ્રિત અને સંજના તેમના લગ્નની તસવીરો સોશિયલ મીડિયા પર શેર કરી રહ્યાં છે. જસપ્રિત અને સંજનાએ તેમના વેડિંગ માટે આઉટફિટ ફેમસ ડિઝાઇન સબ્યસાચી મુખર્જીના ડિઝાઇન કરેલ આઉટફિટ કેરી કર્યાં હતા.