પોતાની ફિલ્મને સપોર્ટ ન કરવા પર આમિર ખાન-આલિયા ભટ્ટ પર ભડકી આ એક્ટ્રેસ

કંગનાએ જણાવ્યું કે, રાઝી જોયા પછી તેણે આલિયા અને મેઘના ગુલઝાર સાથે અડધા કલાક વાત કરી હતી. પરંતુ જ્યારે આલિયા અને મેઘનાનો વારો આવ્યો ત્યારે તેમણે સપોર્ટ ન કર્યો. કંગનાએ આમિર ખાન પર પણ આરોપ લગાવ્યો કે, જ્યારે તેની ફિલ્મ દંગલ અને સીક્રેટ સુપરસ્ટાર રિલીઝ થઈ હતી તો તે સ્ક્રીનિંગ માટે અંબાણી હાઉસ સુધી ગયા. પરંતુ તેની ફિલ્મના ટ્રાયલ માટે એક વખત પણ ન આવ્યા.

આલિયા વિશે કંગનાએ કહ્યું કે, યુવતીઓ મને ટ્રેલર મોકલે છે. આલિયાએ રાઝીનું ટ્રેલર મોકલ્યું હતું. મારી માટે તે આલિયા અથવા કરન જોહરની ફિલ્મ નહોતી, પરંતુ સહમત ખાનની ફિલ્મ હતી. એ યુવતી જેણે દેશ માટે બધુ કુર્બાન કરી દીધું.

કંગનાનું કહેવું છે કે, વર્ષ 2014માં 'ક્વિન'ની સફળતા બાદ વખાણ ફેંટમના જ થયા હતા. તે વિકાસ બહલના જાણીતા લોકો માટે એક પછી એક સ્ક્રિનિંગ રાખી રહ્યાં હતાં. તેના મિત્રો સ્ક્રિનિંગમાં આવતાં હતાં. મને હંમેશા ઇગ્નોર કરવામાં આવી છે. પિંકવિલા સાથે વાતચીતમાં કંગનાએ કહ્યું કે, તનુ વેડ્સ મનુ બાદ મેં પણ કેટલીક સ્ક્રિનિંગ રાખી, પરંતુ તેમાંથી કોઇ આવ્યું નહીં.

મુંબઈઃ પોતાના બિંદાસ બોલ અને વિવાદોને કારણે હંમેશા ચર્ચામાં રહેતી બોલિવૂડ અભિનેત્રી કંગના રનૌત હવે આલિયા ભટ્ટ અને આમિર ખાન પર ભડકી છે. પોતાની ફિલ્મ મણિકર્ણિકાઃ ધ ક્વીન ઓફ ઝાંસીને સપોર્ટ ન કરવાને લઈને કંગના આ સ્ટાર પર ભડકી છે.