કરિનાને પ્રમોશન દરમિયાન જ્યારે પૂછવામાં આવ્યું કે, એક્ટર-એક્ટ્રેસની સેલેરીમાં આજે પણ ભેદભાવ રાખવામાં આવે છે એવી જાણકારી મળી છે. તો તેના જવાબમાં કરિનાએ કહ્યું કે, એમાં કોઈ બે મત નથી. હવે પહેલાની તુલનામાં સ્થિતિ બદલાઈ છે. છેલ્લા કેટલાક સમયમાં ઘણી મહિલાઓએ બોલિવૂડમાં મોટુ નામ કર્યું છે. જો હું વાત કરું સેલેરીની તો હું એટલું ઈચ્છું છું કે અક્ષય જેટલી સેલેરી મને પણ મળે.
એ વાત પર લોકોએ સાંભળીને હંસી કાઢ્યું પરંતુ કરિનાએ ઈન્ડસ્ટ્રીની સાચી હકીકત લોકો સામે ખોલી નાખી. મહિલા અને પુરુષ વચ્ચેના ભેદભાવને ઉજાગર કરનારી કરિનાએ બોલિવૂડમાં હીરો હીરોઈન વચ્ચે કરવામાં આવતા ભેદભાવને લોકો સામે રાખ્યું હતું. ઉલ્લેખનીય છે કે કરિનાએ અક્ષયનું નામ લીધું એ અક્ષય કુમાર હાલમાં બોલિવૂડનો સૌથી વધુ કમાતો હીરો છે. ફોર્બ્સની યાદીમાં પહેલીવાર સલમાન, આમિર અને શાહરૂખને પછાડી આ અભિનેતા આગળ નીકળી ગયો છે.