ડાન્સ પ્લસનો વિજેતા બનીને રૂપેશ બાને ખૂબ જ ખુશ જોવા મળ્યો હતો. શોના સ્ટેજ પર નામની જાહેરાત કરતાની સાથે જ રૂપેશ ખુશ થઈ ગયો હતો અને શર્ટ કાઢીને નાચવા લાગ્યો હતો. રૂપેશ બાનેએ પોતાની માતા સાથે જીતની ટ્રોફી સ્વીકારી હતી.
ગરીબ પરિવારમાંથી આવતાં રૂપેશ બાનેની જીતથી સૌથી વધારે કોઈ ખુશ હોય તો તે છે તેની માતા અને ભાઈ. મુંબઈમાં રહેતા રૂપેશે અહીંયા સુધી પહોંચવા માટે બહુ જ સ્ટ્રગલ કરી છે આ અંગે તે અનેકવાર શોમાં કહી ચૂક્યો છે.
ડાન્સ પ્લસ 5 જીત્યા બાદ રૂપેશે મીડિયા સાથે વાત કરી હતી અને આ દરમિયાન શોમાં તેની જર્ની કેવી રહી તે અંગે વાત કરી હતી. તેણે કહ્યું કે ‘ડાન્સ પ્લસ 5ની જર્ની દરમિયાનની એક-એક ક્ષણ મારા માટે યાદગાર છે. જેને હું જીવનભર યાદ રાખીશ’.
આ શોના ફિનાલેમાં બોલિવુડના અનેક સ્ટાર્સ હાજર રહ્યાં હતાં. ધર્મેન્દ્ર, મિથુન ચક્રવર્તી, સિંગર ગુરૂ રંધાવા અને બાગી 3ની સ્ટારકાસ્ટ ટાઈગર શ્રોફ અને શ્રદ્ધા કપૂર હાજર રહ્યા હતાં. આ તમામ સેલેબ્સે ફિનાલેની રેસમાં સામેલ કન્ટેસ્ટન્ટ્સનો ઉત્સાહ વધાર્યો હતો સાથે જ ખૂબ મસ્તી પણ કરી હતી.