જોકે કાનપુરમાં ફેન્સ જ નવાઝુદ્દીન સિદ્દીકી માટે તકલીફરૂપ બની ગયા. નવાઝુદ્દીનનો એક વિડીયો સોશિયલ મીડિયા પર ઘણો જ વાયરલ થઇ રહ્યો છે. વિડીયો કાનપુર શહેરની કોઇ ઇવેન્ટનો હોય તેવું જણાવવામાં આવી રહ્યું છે.
સૂત્રોનાં જણાવ્યા પ્રમાણે નવાઝુદ્દીન આ ઇવેન્ટ પૂર્ણ કરીને જેવો બહાર નીકળ્યો ફેન્સ તેને ઘેરી વળ્યા હતા. આ દરમિયાન એક પ્રશંસકે સેલ્ફી લેવા માટે નવાઝુદ્દીનને ગળેથી પકડીને તેની તરફ ખેંચવાનો પ્રયત્ન કર્યો. એક્ટર સાથે થયેલી આ ખેંચતાણને જોઇને સિક્યોરિટી ગાર્ડ એલર્ટ થઇ ગયા હતા. જો કે આ દરમિયાન નવાઝુદ્દીનનાં હાથમાં ફ્રેક્ચર થઇ ગયું હતુ. જ્યારે આ ઘટના વિશે નવાઝુદ્દીનને પુછવામાં આવ્યું તો તેણે કહ્યું કે, “ફેન દ્વારા આ રીતે ખેંચવાથી મારા હાથમાં ફેક્ચર થઇ ગયું. મસલ્સમાં પણ ખેંચ છે, પરંતુ કોઈ વાત નહીં. તેમની પોતાની રીત હોય છે, આ વાસ્તવિક્તામાં તેમનો પ્રેમ છે.”