દિલબર દિલબર સોન્ગને મળ્યાં 100 કરોડ વ્યૂ
શુક્રવારે નોરા ફતેહીના દિલબર દિલબર સોન્ગ પરના ડાન્સે 100 કરોડ વ્યૂઝ પૂરા કર્યાં. આ જાણીને નોરા ખુશ ખુશાલ થઇ ગઇ. તેમણે તેમના ફેન્સનો આભાર માન્યો છે. વર્ષ 2018માં રિલીઝ થયેલી ફિલ્મ સત્યમેવ જયતેના સોન્ગ દિલબર દિલબર પર નોરાના ડાન્સને ખૂબ જ લોકપ્રિયતા મળી હતી.હાલ આ સોન્ગ પરના ડાન્સે 100 કરોડ વ્યૂ મેળવીને એક કિર્તીમાન સ્થાપિત કર્યો છે.
નોરા માટે સરપ્રાઇઝ પાર્ટી
મ્યુઝિક કંપની ટી સીરિઝે નોરાને 100 કરોડ વ્યૂ માટે સરપ્રાઇઝ પાર્ટી આપી હતી. તેમણે કામના બહાને ટી સીરિઝની ઓફિસે બોલાવી હતી. તે ઓફિસ પહોંચી તો 50 બાળકોએ દિલબર દિલબર સોન્ગ પર જ ડાન્સ કર્યો. નોરા માટે આ ખૂબ જ બિગ સરપ્રાઇઝ હતું.