નવી દિલ્હીઃ એક્ટ્રેસ દીપિકા પાદુકોણ જ્યારથી JNU વિદ્યાર્થીઓના સપોર્ટમાં આવી છે ત્યારથી સોશિયલ મીડિયા પર તેને લઈને ચર્ચા ચાલી રહી છે. મંગળવારે દીપિકા 10 મિનિટ માટે જેએનયૂ વિદ્યાર્થીઓને સપોર્ટ કરવા માટે ગઈ હતી. એક બાજુ અનેક બી ટાઉન સેલેબ્સ દીપિકાના આ નિર્ણયને વખાણી રહ્યા છે. ત્યારે એક્ટ્રેસ પાયલ રોહતગીએ દીપિકા પર નિશાન સાધતા તેને ઇડિયટ ગણાવી છે.


પાટલે ટ્વીટ કરીને લખ્યું- જ્યાં દીપિકાના પિતાએ ભારત માટે ગોલ્ડ મેડલ જીત્યા. બીજી બાજુ દીપિકા ભારત તોડનારા લોકો સાથે ઉભી છે. અંતે દીપિકાએ એ સાબિત કરી આપ્યું કે તે આલિયા ભટ્ટની બેસ્ટ ફ્રેન્ડ છે.#boycottchhapaak #DeepikaAtJNU


આ પહેલા કરવામાં આવેલ ટ્વીટમાં પાયલે લખ્યું- મેઘના ગુલઝારે દીપિકાનું બ્રેનવોશ કર્યું કે તે કેટલાક JNUSU પ્રેસિડન્ટ્સને મળે, જેમણે કેમ્પસમાં ગુંડાઓને અંદર જવા દીધા. જેથી ABVP વિદ્યાર્થીઓનો અવાજ દબાવી શકાય જે 4 નવા સેમિનાર માટે રજિસ્ટર કરી રહ્યા હતા. લેફ્ટિસ્ટ ગુસ્સામાં હતાં કારણ કે તેમનો મિડનાઈટ પીવાનો પ્રોગ્રામ અટકી ગયો હતો. દીપિકા મને ઇડિયટ લાગી રહી છે.  #BoycottChhapaak


દીપિકા JNUના વિદ્યાર્થીઓને મળવા ગઈ તે સાથે જ ટ્વિટ પર તેની ફિલ્મ ‘છપાક’નો વિરોધ શરૂ થયો હતો. ઘણા લોકોને દીપિકાનું આ પગલું અયોગ્ય લાગ્યું અને ટ્વિટર પર #boycottChhappak ટ્રેન્ડ થવા લાગ્યું. મહત્વનું છે કે, દીપિકાની આગામી ફિલ્મ ‘છપાક’ 10 જાન્યુઆરીએ રિલીઝ થવાની છે. ફિલ્મને મેઘના ગુલઝારે ડાયરેક્ટ કરી છે. આ ફિલ્મ એસિડ અટેક સર્વાઈવર લક્ષ્મી અગ્રવાલના જીવન પર આધારિત છે.