મુંબઇઃ બોલિવૂડ એક્ટર વિવેક ઓબેરોય સ્ટારર ફિલ્મ ‘પીએમ  નરેન્દ્ર મોદી’ની ઘણા સમયથી ચર્ચા થઇ રહી છે. આ ફિલ્મનું ટ્રેલર રીલિઝ કરી દેવામાં આવ્યું છે. ઓનલાઇન રીલિઝ કરવામાં આવેલા આ ટ્રેલરમાં નરેન્દ્ર મોદીની લાઇફ પર વિસ્તારથી પ્રકાશ પાડવામાં આવ્યો છે. ફિલ્મમાં મોદીના બાળપણથી લઇને વડાપ્રધાન  બનવા સુધીનો સંઘર્ષ બતાવવામાં આવ્યો છે.


આ ટ્રેલરને મુંબઇમાં થયેલી એક ઇવેન્ટમાં લોન્ચ કરવામાં  આવ્યું હતું જ્યાં ફિલ્મના લીડ એક્ટર્સ હાજર રહ્યા હતા. ફિલ્મની  કાસ્ટ સિવાય ડિરેક્ટર ઉમંગ કુમાર પણ આ ઇવેન્ટમાં  પહોંચ્યા હતા.


ફિલ્મમાં વિવેક ઓબેરોય સિવાય બમન ઇરાની, બરખા બિષ્ટ, મનોજ જોશી, પ્રશાંત નારાયણ, રાજેન્દ્ર ગુપ્તા, જરીના વહાબ અને અંજન  શ્રીવાસ્તવ મુખ્ય ભૂમિકાઓમાં જોવા મળશે. ફિલ્મ 5 એપ્રિલના રોજ રીલિઝ થશે.