હૈદરાબાદઃ ટૉલિવુડ સુપરસ્ટાર અલ્લૂ અર્જૂન (Allu Arjun) પોતાની ફિલ્મ 'પુષ્પાઃ ધ રાઇઝ' (Pushpa: The Rise) થી ખુબ ચર્ચામાં હતો. 2021માં રિલીઝ થયેલી આ ફિલ્મે બૉક્સ ઓફિસ પર ધમાલ મચાવી દીધી છે. કમાણીમાં મોંગા બજેટવાળી ફિલ્મોને જબરદસ્ત ટક્કર આપીને નંબર વન પર આવી ગઇ છે. ખાસ વાત છે કે, ફિલ્મની આવી સફળતાના કારણે ફિલ્મના હીરો-હીરોઇને ખુબ ચર્ચામાં આવી ગયા છે, આમા અલ્લૂ અર્જૂન, રશ્મિકા મંદાના, ફહાદ કાસિલ અને સામંથા રુથ પ્રભુ મુખ્ય રૉલમાં છે.
ઉલ્લેખનીય છે કે, ફિલ્મમાં પોલીસને પોતાની હોંશિયારીથી ગોળ ગોળ ફરાવતા 'પુષ્પા'એ હવે રિયલ લાઇફમાં પણ પોલીસનો સામનો કર્યો છે. પરંતુ આ વખતે પોલીસે તેને દંડ ફટકારી દીધો છે. તાજેતરમાં જ સમાચાર છે કે, શહેરમાં ટ્રાફિકના નિયમો તોડીને 'પુષ્પા' ફેમ અલ્લૂ અર્જૂન ભાગી રહ્યો હતો, પરંતુ હૈદરાબાદ પોલીસે ડ્યૂટી નિભાવતા તેને દંડ ફટકાર્યો અને વસૂલ્યો પણ હતો.
બૉલીવુડ લાઇફની લેટેસ્ટ રિપોર્ટ અનુસાર, અલ્લૂ અર્જૂનને ટ્રાફિક નિયમો તોડવાને લઇને દંડ ભરવો પડ્યો છે. હૈદરાબાદ પોલીસે તેની લક્ઝરી કાર લેન્ડ રૉવર રેન્જ રૉવરનો મેમો ફાડ્યો છે, અને એક્ટરને 700 રૂપિયા દંડ તરીકે ભરવા પડ્યા છે.
જાણકારી અનુસાર, કાળા કાંચ વાળી કારમાં સવાર અલ્લૂ અર્જૂનને હૈદરાબાદ પોલીસે પડક્યો, હૈદરાબાદના વિઝી સેન્ટરની પાસે એક્ટરની કારને રોકવામાં આવી હતી, કેમ કે આવા કાળા કાંચવાળી બારીવાળી ગાડી ભારતમાં બેન છે. છતાં ઘણા બધા સેલેબ્સ આ રીતની ગાડી લઇને ફરી રહ્યાં છે. પરંતુ પોલીસે કોઇપણ ઢીલ રાખ્યા વિના સામાન્ય કે ખાસ દરેકનો મેમો ફાડ્યો હતો. આમાં અલ્લૂ અર્જુન પણ ફસાઇ ગયો અને પોલીસે તેને મેમો ફાડીને 700 દંડ આપ્યો હતો. જોકે દંડ ભરી દેવામાં આવ્યો હતો.