'પેડમેન'ની અભિનેત્રીનો ખુલાસો, માત્ર શારીરિક નહી પરંતુ આ રીતે પણ થાય છે બોલીવુડમાં શોષણ

રાધિકા એક પરણિત અભિનેત્રી છે અને તેના પતિ લંડનમાં રહે છે. રાધિકા મહિનામાં ત્રણથી ચાર વખત તેને મળવા માટે જાય છે. તેને એક દિવસની પણ રજા મળે છે તો તે પતિને મળવા લંડન જતી રહે છે.

આ પહેલા નેહા ધૂપિયાના ચેટ શોમાં રાધિકા એક્ટર રાજકુમાર રાવ સાથે પહોંચી હતી. વાતચીત દરમિયાન તેણે જણાવ્યું કે સાઉથની એક ફિલ્મના શૂટિંગ દરમિયાન અભિનેતાએ તેના પગ પર હાથ ફેરવ્યો હતો. તે આમ જોઈ દંગ રહી ગઈ હતી કારણ કે તે એકબીજાને ઓળખતા પણ નહોતા. રાધિકાને ગુસ્સો આવ્યો હતો અને તેણે તેને થપ્પડ મારી દિધી હતી.

રાધિકાએ જણાવ્યું કે શૂટિંગ દરમિયાન મોડુ આવવું, શૂટિંગના દિવસોમાં વધારો, પોતાના કૉંન્ટ્રાક્ટની વિરૂદ્ધ જવું આ તમામ વાતો તેને પસંદ નથી. સાથે તેણે એ પણ કહ્યું એટલુ જલ્દી તેને કોઈ ના કહેવુ પણ પસંદ નથી.

બોલીવુડમાં રાધિકાને કડક સ્વભાવની અભિનેત્રી માનવામાં આવે છે. તેણે આ વખતે પણ ખુલીને પોતાના વિચારો રજૂ કર્યા. તેણે એ વાતોનો ઉલ્લેખ કર્યો છે જે તેને ફિલ્મ જગતમાં બિલકુલ પસંદ નથી.