આ સ્ટાર એક્ટરે કર્યો ધડાકોઃ કહ્યું- કેન્સરથી પીડાઈ રહ્યા છે ફિલ્મમેકર પિતા....

69 વર્ષના રાકેશ રોશન તસવીરમાં ખૂબ જ ફિટ જોવા મળી રહ્યા છે. તે પોતાની જંગ લડવા માટે તૈયાર છે. રિતિક રોશન અનુસાર, તેની આ જંગમાં પૂરો પરિવાર તેની સાથે ઉભો છે. ત્યારે સોશિયલ મીડિયા પર રાકેશ રોશન અને રિતિક રોશનના ફેન્સ આ અહેવાલથી પરેશાન છે. ફેન્સ રાકેશ રોશનના ઝડપથી સ્વસ્થ હોવાનું કહી રહ્યા છે. જણાવીએ કે, રાકેશ રોશન હાલમાં કૃષ 4ની તૈયારીમાં લાગ્યા છે.

રિતિક રોશને પિતા રાકેશ રોશનની સાથે જ જીમની તસવીર પોસ્ટ કરી છે. પોસ્ટમાં તેણે લખ્યું છે કે, આજે સવારે પિતાને જીમ જવા માટે પૂછ્યું તો જાણવા મળ્યું કે તે સર્જરીના દિવસે પણ જીમ મિસ નહીં કરે. થોડા દિવસ પહેલા તેમને ગળામાં Squamous Cell Carcinomaનો ખુલાસો થયો છે. તે પોતાની જંગ લડશે.

મુંબઈઃ વર્ષ 2018માં બોલિવૂડના અનેક સ્ટારને બીમારીઓના અહેવાલથી ફેન્સ દુખી થયા હોત હવે વર્ષ 2019ની શરૂઆતમાં પણ ખરાબ સમાચાર સામે આવ્યા છે. વિતેલા વર્ષે જ્યાં અભિનેતા ઇરફાન ખાન, અભિનેત્રી સોનાલી બેન્દ્રે, ઋષિ કપૂર જેવા સ્ટાર બીમાર પડ્યા તો હવે અહેવાલ છે કે ફિલ્મ મેકર રાકેશ રોશનને કેન્સર થયું છે. આ વાતનો ખુલાસો તેના દીકરા રિતિક રોશને સોશિયલ મીડિયા પર કર્યો છે.

રિતિક રોશને ફેસબુક પર લખ્યું કે, તેના પિતા રાકેશ રોશનને થોડા સપ્તાહ પહેલા Squamous Sell Sarcinomaની બીમારી થઈ હોવાનું સામે આવ્યું છે. જોકે આ બીમારીનું પ્રથમ સ્ટેજ છે.