રાખી સાવંતે વીડિયો શેર કરતાં લખ્યું, ‘ચીન જઈ રહી છું, કોરોના વાઇરસને ખત્મ કરવા...’ તેના આ વીડિયોને અત્યાર સુધીમાં 70 હજારથી વધારે વ્યૂ મળ્યા છે. વીડિયોમાં જોઈ શકાય છે કે, રાખી સાવંત ફ્લાઇટની અંદર બેઠી છે અને વીડિયો રેકોર્ડ કરી રહી છે. તે કહે છે, ‘હું હાલમાં ફ્લાઈટમાં છું અને ચીન જઈ રહી છું. કોરોના વાઇરસને મારવા માટે મારી સાથે ઘણાંબધા સિપાહી પણ છું. હું વાઇરસને મારીને જ પરત ફરીશ. હવે કોઈ બીમાર નહીં રહે. મોદી જી હું ચીન જઈ રહી છું. દુઆ કરજો કે હું સલામત પરત ફરું.’ સાથે જ તે કહે છે, ‘મેં નાસાથી તેને મારવા માટે ખાસ દવા મગાવી છે.’
રાખીનો આ વીડિયો લોકોને ખૂબ જ ફની લાગી રહ્યો છે. રાખી રેડ આઉટફિટમાં નજર આવી રહી છે અને તેણે મંગળસૂત્ર પહેરી રાખ્યું છે. ઉલ્લેખનીય છે કે 2019માં રાખી સાવંત પોતાના લગ્નને લઈને ચર્ચામાં આવી હતી. રાખીએ લગ્ન તો કરી લીધા પરંતુ તેનો પતિ કોણ છે આ કોઈ નથી જાણતું.