ભારતમાં આજે પણ મને લોકો સલમાન-શાહરૂખની હિરોઇન તરીકે ઓળખે છે, જાણો કઇ એક્ટ્રેસે આપ્યું આ નિવેદન

મુંબઇઃ બૉલીવુડની ચૂલબૂલી એક્ટ્રેસ રાની મુખર્જીએ આજકાલ પોતાની આગામી ફિલ્મ હિચકીને લઇને ચર્ચામાં છે. રાનીએ હિચકીના પ્રમૉશન દરમિયાન ખાન તિકડીને પોતાના બેસ્ટ ફ્રેન્ડ્સ ગણાવ્યા. પોતાના કૉ-સ્ટાર અને ફ્રેન્ડ રહી ચૂકેલી ખાન તિકડીને લઇને ઓપનલી વાત કરી અને કહ્યું કે ત્રણેય ખાન સાથે કામ કરવાનો અનુભવ એકદમ ખાસ રહ્યો. આજે પણ મને લોકો સલમાન-શાહરૂખની હિરોઇન તરીકે જ ઓળખે છે.

ઉલ્લેખનીય છે કે, રાની મુખર્જી બૉલીવુડની એવી એક્ટ્રેસીસમાં સામેલ છે જેને બૉલીવુડની ખાન તિકડી સાથે કામ કર્યું છે અને સુપરહિટ ફિલ્મો આપી છે. રાનીએ શાહરૂખ સાથે 6 ફિલ્મો, સલમાન સાથે 5 ફિલ્મો અને આમિર સાથે 3 ફિલ્મોમાં કામ કર્યું છે. આમાંથી મોટાભાગની ફિલ્મોએ બૉક્સ ઓફિસ પર શાનદાર પ્રદર્શન કર્યું છે.

રાની મુખર્જીએ વધુમાં કહ્યું કે, આટલા વર્ષો સુધી સ્ટારડમ જાળવી રાખવો તે કોઇ સામાન્ય વાત નથી. હું માનું છું કે તેમનામાં કંઇક તો ખાસ છે. તેઓ આજ સુધી બૉલીવુડ પર રાજ કરે છે, તે ખરેખર કાબિલેતારીફ છે. મે ત્રણેય ખાન સાથે કામ કરીને ઘણુબધુ શીખી છું.

રાનીએ હિચકીના પ્રમોશન દરમિયાન સલમાન, શાહરૂખ અને આમિર પર વાત કરતાં કહ્યું કે, આજે પણ ભારતમાં મને લોકો માત્ર એટલા માટે ઓળખે છે કે હું આ ત્રણેય ખાનની હિરોઇન રહી ચૂકી છું. હું ત્રણેયની ખુબ ઇજ્જત કરું છુ અને આજે પણ મને આ તેમની સાથે કામ કરવાનો મોકો મળે તો હું જરૂરી કરીશ. મે મારી કેરિયરની શરૂઆત આમની સાથે જ કરી હતી.