મારા પતિને માત્ર ત્રણ ‘F’ પસંદ છે, ફૂડ, ફિલ્મ અને...જાણો કઈ એક્ટ્રેસે કર્યો આ ખુલાસો

મુંબઈઃ બોલીવુડ એક્ટ્રેસ રાની મુખર્જી હાલમાં પોતાની અપકમિંગ ફિલ્મ હિચકીને લઈને ચર્ચામાં છે. તે આ ફિલ્મથી બોલીવુડમાં કમબેક કરવા જી રહી છે. જ્યારે હાલમાં જ રાની એક્ટ્રેસ નેહા ધૂપિયાના ટોક શો બીએફએફ વિધ બોગ્સમાં આવી હતી, ત્યાં તેણે પોતાની પર્સનલ લાઈફ સાથે જોડાયેલ અનેક વાતો શેર કરી હતી. આ દરમિયાન રાનીએ જણાવ્યું કે તેના પતિ આદિત્ય ચોપરાને ત્રણ ‘F’ જ પસંદ છે.

રાનીએ જણાવ્યું કે કેવી રીતે તે પતિ આદિત્ય ચોપરાને પહેલીવાર મળી હતી. રાની મુખર્જીએ જણાવ્યું કે ફિલ્મ ‘મુજસે દોસ્તી કરોગી’ દરમિયાન તેની અને આદિત્યની પહેલી ઓફિશિયલ મુલાકાત થઈ.

રાની મુખર્જીએ શોમાં કહ્યું કે, આદિત્યને મારું કેમેરા સામે આવવું અને ફોટો પડાવવું બિલકુલ પસંદ નથી. રાની મુખર્જીએ કહ્યું, મારા પતિને માત્ર ત્રણ F પસંદ છે, ફૂડ, ફિલ્મ અને ત્રીજા Fનું નામ તે નથી લઈ શકતી. રાનીની આ વાત સાંભળીને નેહા, સબ્યસાચી જોર જોરથી હસવા લાગ્યા.

રાનીએ આ પણ જણાવ્યું કે તેની દિકરી આદિરા એક નોર્મલ બાળકની જેમ મોટી થાય તેની તેની ઈચ્છા છે. રાનીએ જણાવ્યું કે હું નથી ઈચ્છતી કે તે પોતાના પપ્પાની જે ખાવાની આદતોથી દૂર રહે.

રાનીએ કહ્યું, તે સમયે મારી કોઈપણ ફિલ્મ ઠીક નહોતી ચાલી રહી. આદિત્યએ મને જણાવ્યું કે આ વચ્ચે મેં ઘણી ફ્લોપ ફિલ્મો કરી હતી, જેના કારણે લોકો તેના પર પ્રેસર કરી રહ્યા હતા કે તે મને ફિલ્મ ન આપે, પરંતુ તેમણે મારા ટેલેન્ટ પર ભરોસો હતો.