બોલીવૂડ અભિનેતા રણવીર સિંહે ફેન્સ પર મારી છલાંગ, ને પછી થયું........

રણવીરની ફિલ્મ 'ગલી બોય' ઝોયા અખ્તરે ડાયરેક્ટ કરી છે. આ ફિલ્મમાં રણવીર ઉપરાંત આલિયા ભટ્ટ પણ જોવા મળશે. ફિલ્મનું પ્રોડક્શન ઝોયા, ફરહાન અખ્તર અને રિતેશ સિધવાનીએ કર્યું છે.

મુંબઈ: બોલીવૂડ અભિનેતા રણવીર સિંહ હાલ ફિલ્મ 'ગલી બોય'ના પ્રમોશનમાં વ્યસ્ત છે. ફિલ્મના પ્રમોશન માટે તે અનેક ઇવેન્ટમાં જોવા મળી રહ્યો છે. આ દરમિયાન રણવીર સિંહનો એક વીડિયો વાયરલ થયો છે. આ વીડિયોમાં તે ખૂબ જ ઉત્સાહિત જોવા મળે છે. ફિલ્મના ગીત પર તેણે અચાનક જ ફેન્સ પર છલાંગ મારી હતી. જેનો વીડિયો સોશિય મીડિયામાં વાયરલ થઇ રહ્યો છે.

અભિનેતા રણવીરે જ્યારે છલાંગ મારી ત્યારે કેટલાક લોકોને ઇજા પહોંચી હતી. રણવીરે છલાંગ લગાવી ત્યારે કેટલાક ફેન્સ જમીન પર પડી ગયા હતા. આ દરમિયાન ફેન્સ તેનો વીડિયો બનાવવામાં વ્યસ્ત હતા.