જ્યારે રશ્મિ ફિલ્મ ઈન્ડસ્ટ્રીમાં નવી નવી હતી ત્યારે તેને કોઈએ કહ્યું હતું કે, કાસ્ટિંગ કાઉચમાંથી જો તું પસાર નહીં થા તો કામ નહીં મળે અને આગળ નહીં વધી શકે. હવે રશ્મિએ નામ લઈને ખુલાસો કર્યો કે, એનું નામ સુરજ હતું. તે અત્યારે ક્યાં છે અને કઈ પરિસ્થિતિમાં છે તે હું નથી જાણતી. પહેલી વાર જ્યારે હું એને મળી હતી ત્યારે તેણે મને statistics વિશે પૂછ્યું હતું. મને ત્યારે એના વિશે ખબર નહોતી. અને એ માણસ એવું જાણવા માંગતો હતો કે હું આ ફિલ્ડમાં નવી છું.
'તે પેહલો પુરુષ હતો જેણે મારો ફાયદો ઉઠાવવાનો પ્રયત્ન કર્યો હતો. તેણે મારી સાથે છેડછાડ કરવાના પ્રયત્ન કર્યા હતા. એક દિવસ સૂરજે મને ઓડિશન માટે બોલાવી હતી અને હું ખુબજ એક્સાઈટેડ હતી.'
આગળ વધતા રશ્મિએ કહ્યુ કે,' હું ત્યાં પહોંચી ગઈ હતી અને સૂરજ સિવાય ત્યાં કોઈ હતું નહી. કોઈ કેમેરો પણ ન હતો. તેને મારી ડ્રિન્કમાં કંઈક ભેળવીને અને મને બેભાન કરવાની પુરી તૈયારી કરી હતી. હું બોલતી રહી મારે ડ્રિન્ક નથી જોઈતું.' કંઈ પણ કરીને મે અઢી કલાક ત્યાંથી પસાર કરીને ભાગવામાં સફળ રહી. ઘરે જઈને બધી વાત મારી માતાને કરી. બીજા દિવસે માતાએ જઈને એને એક લાફો ઝીંકી દીધો.