ત્રણ દિવસમાં જ RRRની 500 કરોડની કમાણી, રાજામૌલીની ફિલ્મે તોડ્યા અનેક રેકોર્ડ

એસ એસ રાજામૌલીની ફિલ્મ RRR બોક્સ ઓફિસ પર ધૂમ મચાવી રહી છે. વિકેન્ડ પર આ ફિલ્મે કમાણીના મામલે અનેક રેકોર્ડ તોડી નાખ્યા છે. તેમની પહેલા આવેલી ધ કાશ્મીર ફાઈલ્સને બહુ પાછળ છોડી દીધી છે.

RRR Box Office Collection Day 3: એસ એસ રાજામૌલીની ફિલ્મ RRR બોક્સ ઓફિસ પર ધૂમ મચાવી રહી છે. વિકેન્ડ પર આ ફિલ્મે કમાણીના મામલે અનેક રેકોર્ડ તોડી નાખ્યા છે. તેમની પહેલા આવેલી ધ કાશ્મીર ફાઈલ્સને બહુ પાછળ છોડી દીધી છે.

 

બોક્સ ઓફિસ પર RRRનો જલવો યથાવત
 
લોકોને રામ ચરણ અને જુનિયાર એનટીઆરની જોડી ખુબ પસંદ આવી રહી છે. રવિવારે પણ આ ફિલ્મે સારી કમાણી કરી હતી. તરણ આદર્શના ટ્વીટ પ્રમાણે વિકેન્ડ પર આ ફિલ્મે 31.50 કરોડની કમાણી કરી છે. કોરોનાકાળમાં જેટલી પણ ફિલ્મો રિલીઝ થઈ છે તેમા RRR સૌથી વધુ કમાણી કરનાર ફિલ્મ બની છે. રિલીઝ સમયે સૂર્યવંશીએ રવિવારે 26.94 કરોડ રૂપિયા કમાયા હતા. જ્યારે 83એ 17.41 કરોડ રૂપિયા, ગંગુબાઈએ 15.30 કરોડ અને ધ કાશ્મીર ફાઈલ્સે 15.10 કરોડ રૂપિયાનું કલેક્શન કર્યું હતું. જેથી રવિવારે કલેક્શનનના મામલે આ ફિલ્મે અન્ય ફિલ્મોને પાછળ છોડી નવો રેકોર્ડ બનાવી દીધો છે.

 

RRRએ પહેલા અને બીજા દિવસ કરતા ત્રીજા દિવસે વધુ કમાણી કરી છે. પહેલા વિકેન્ડમાં જ RRR બેંચમાર્ક સેટ કરવા તૈયાર છે. આ ફિલ્મે ઓપનિંગ ડે પર 200નું વર્લ્ડ વાઈલ્ડ કલેક્શન કર્યુ હતું. હવે કમાણીના મામલે વિકેન્ડ પર RRR 500 કરોડનો બેંચમાર્ક સેટ કરવા જઈ રહી છે. જો કે આ ફિલ્મ કમાણીના મામલે આગામી દિવસમાં પણ અનેક રેકોર્ડ તોડી શકે છે.

RRRમાં પતિ રામચરણનું કામ જોઈને ખુશ થઈ ગયેલી પત્નિ ઉપાસનાએ શું કર્યું ? 

બોલિવૂડની ફિલ્મ 'કાશ્મીર ફાઇલ્સ'ને ટક્કર આપતી સાઉથની ફિલ્મ 'RRR'એ ધૂમ મચાવી છે. એસએસ રાજામૌલી દ્વારા નિર્દેશિત આ ફિલ્મે રિલીઝ થતાની સાથે જ ધૂમ મચાવી દીધી છે. જુનિયર એનટીઆર અને રામ ચરણની જોડીને થિયેટરોમાં સાથે જોઈને ચાહકો ખૂબ જ ખુશ છે. લોકો તેમની જોડીને ખૂબ પસંદ કરે છે. સિનેમા હોલમાં ફેન્સ ખુબ જ આનંદિત છે, રામચરણની પત્ની ઉપાસના કામીનેની પણ થિયેટરમાં પહોંચીને ચાહકો સાથે રામચરણની સફળતાની ઉજવણી કરતી જોવા મળી હતી. આજે રામ ચરણનો જન્મદિવસ છે અને તેના માટે આનાથી વધુ સારી ભેટ બીજી કઈ હોય. ઉપાસનાનો ખુશી વ્યક્ત કરતો એક વીડિયો પણ સોશિયલ મીડિયા પર વાયરલ થઈ રહ્યો છે. જુઓ આ વિડીયો.

 

ફિલ્મ RRR રિલીઝ થયા બાદ રામ ચરણ તેની પત્ની ઉપાસના કામીનેની સાથે ફિલ્મ જોવા માટે થિયેટરમાં ગયા હતા. આ શાનદાર ફિલ્મમાં કામ કરીને રામચરણે પોતાના ચાહકોને એક મોટી ભેટ આપી દીધી હતી. બાદમાં તેણે પત્ની ઉપાસના કામીનેની સાથે થિયેટરમાં પહોંચીને ચાહકોને વધુ ખુશ કર્યા. રામ ચરણ થિયેટરમાં પહોંચતા જ ચાહકોએ તાળીઓ અને સીટીઓ વડે તેમનું સ્વાગત કર્યું.