Pataudi Palace Income: સૈફ અલી ખાને ખુલાસો કર્યો હતો કે પટૌડી પેલેસના શૂટિંગમાંથી જે પણ પૈસા આવે છે તે મારી માતા શર્મિલા ટાગોર લે છે. હું નામનો જ નવાબ છું.
સૈફ અલી ખાન થોડા દિવસો પહેલા કપિલ શર્મા શોમાં ગેસ્ટ બન્યો હતો. તે તેની ફિલ્મ ભૂત પોલીસના પ્રમોશન માટે ત્યાં હતો જ્યાં તેની સાથે યામી ગૌતમ, જેકલીન ફર્નાન્ડીઝ પણ જોવા મળી હતી. હવે આ એપિસોડનું અનસેન્સર્ડ વર્ઝન રિલીઝ થયું છે જેમાં સૈફે ઘણા ફનF ખુલાસા કર્યા છે.
કપિલે સૈફને પૂછ્યું કે, વેબસિરીઝ તાંડવનું શૂટિંગ પટૌડી પેલેસમાં થયું તો શું તમે મિલકત ભાડે આપીને તગડી કમાણી કરી.? આ સવાલ પર સૈફ ખૂબ હસ્યો અને કહ્યું કે, ‘મારી માતા શર્મિલા ટાગોર પૈતૃક ઘર પટૌડી પેલેસના શૂટિંગમાંથી જે પણ પૈસા આવે છે, તે પોતે જ રાખી લે છે. હું તો માત્ર નામનો જ નવાબ છું.
આ પછી અર્ચના પુરણ સિંહે કપિલને યામી અને જેકલીન સાથે સતત ફ્લર્ટ કરવા માટે અટકાવ્યાં કહ્યું કે, “તું બે બાળકોનો પિતા છે” જેના જવાબમાં કપિલે સૈફને જ સવાલ કરી દીધો કે, “આપને પણ કોઇ કહે કે ફ્લર્ટ કરવાનું બંધ કરો, બે સંતાનના પિતા છો તો? આ સવાલના જવાબમાં સૈફે કહ્યું હતું કે, “ આનો જવાબ કરીના વધુ સારી રીતે આપી શકે’
શોમાં કપિલે બીજો સવાલ પૂછ્યો હતો જેનો સૈફે ફની જવાબ આપ્યો હતો. કપિલે પૂછ્યું લોકડાઉનમાં તમે શું કર્યું? સૈફે કહ્યું- મેં પહેલા લોકડાઉનમાં ફ્રેન્ચ અને રસોઈ શીખી હતી અને બીજા લોકડાઉનમાં બાળકનો પિતા બન્યો હતો. સૈફ તેના અને કરીનાના બીજા પુત્ર જહાંગીર અલી ખાનના જન્મનો ઉલ્લેખ કરી રહ્યો હતો. આ વર્ષે 21 ફેબ્રુઆરીએ કરીનાએ બીજા પુત્રને જન્મ આપ્યો હતો.