‘ટાઈગર’ આજની રાત પણ જેલમાં કાઢશે, જામીન પર કાલે આવશે ચુકાદો

બીજી બાજુ સલમાન ખાનના વકીલે કોર્ટમાં હાજર થતાં પહેલા મીડિયા સાથે વાત કરતા કહ્યું છે કે, મને ગઈ કાલથી ધમકી ભર્યા મેસેજીસ અને ફોન આવી રહ્યા છે કે, હું આજે જામીનની સુનાવણી દરમિયાન કોર્ટમાં હાજર ન રહું.

જોધપુરઃ જોધપુર સેન્ટ્રલ જેલમાં બંધ કેદી નંબર 106 એટલે કે સલમાન ખાનને સજાની એક રાત થઈ ગઈ છે. સલમાન ખાનને જોધપુરમાં કંકાણીમાં 1998માં બે કાળિયારના શિકાર કરવાના ગુનામાં સીજીએમ કોર્ટે 5 વર્ષની સજા સંભળાવી છે. સજાની વિરૂદ્ધમાં આજે સલમાન ખાનના વકીલોએ સેશન કોર્ટમાં જામીન માટે અરજી કરી હતી.

સલમાન ખાનની જામની અરજીની સુનાવણીમાં કોર્ટે આજે સલમાન ખાન અને રાજ્ય સરકારના વકીલની દલીલો સાંભળી લીધી. પરંતુ કોર્ટે આજે વકીલોની દલીલ સાંભળીને ચુકાદો સુરક્ષીત રાખ્યો છે. હવે કોર્ટ દ્વારા આવતી કાલે નિર્ણય સંભળાવામાં આવશે.