હિન્દુ જનજાગૃતિ સમિતિના મહારાષ્ટ્ર અને ઝારખંડના આયોજક સુનીલ ઘંવાતે આ કેસ પર નિવેદન આપતાં કહ્યું કે, દબંગ-3ના ગીત હુડ હુડ દબંગમાં ઋષિઓને નીચા બતાવવાનો પ્રયત્ન કરવામાં આવ્યો છે. આ ગીતમાં સલમાન ઋષિઓ સાથે આપત્તિજનક ડાન્સ કરી રહ્યો છે. કે જેના લીધે હિન્દુઓની ભાવનાઓને ઠેસ પહોંચી છે.
સુનીલે સવાલો કર્યા કે, શું તે મુલ્લા-મૌલવી અને ફાધર-બિશપને આ રીતે નાચતા દેખાડવાની હિમ્મત કરશે ખરા? પરંતુ હવે જોવાનું એ રહ્યું કે આ મામલે સલમાન ખાન કે પછી ગીતના મેકર્સનું કોઈ બયાન આવે છે કે કેમ. ઉલ્લેખનીય છે કે દબંગ-3 20 ડિસેમ્બરના રોજ સિનેમા ઘરોમાં રીલિઝ થશે.