બોલીવૂડ અભિનેતા સલમાન ખાન જાતે કાર ચલાવીને સાઉથના સુપરસ્ટાર સુદીપ કિચ્ચાના ઘરે પહોંચ્યો હતો. આ વાતનો ઉલ્લેખ સુદીપે પોતાની ઈન્સ્ટાગ્રામ પોસ્ટમાં કર્યો છે. બોલીવૂડ અભિનેતા સલમાન ખાન તરફથી મળેલી ગીફ્ટ મેળવી સુદીપ કિચ્ચા ખૂબ જ ખુશ થયો હતો.
સુદીપે ઈન્સ્ટાગ્રામ પર કારની તસવીરો શેર કરી છે. સુદીપે કહ્યું , જો તમે સારું કામ કરો છો તો તમારી સાથે સારું જ થાય છે. આ લાઈનને સાચી સાબિત કરીને સલમાનસર બીએમડબલ્યૂ M5ની સાથે મારા ઘરે આવ્યા હતાં. આ સુંદર ગિફ્ટ તથા મારા પરિવારને આટલો પ્રેમ આપવા બદલ તમારો આભાર. તમારી સાથે કામ કરવું એ સન્માનની વાત છે. તમે મારા ઘરે આવ્યા તે માટે ઘણો જ આભાર.
સલમાન ખાને સાઉથ સ્ટાર સુદીપને આપેલી કારની કિંમત 1.7 કરોડ હોવાનો અંદાજ છે. આ પહેલાં સલમાને કિચ્ચાને પોતાનું જેકેટ પણ ગિફ્ટ કર્યું હતું. કિચ્ચા સાઉથનો જાણીતો એક્ટર છે પરંતુ તેણે બોલિવૂડમાં 'દબંગ 3'થી ડેબ્યૂ કર્યું હતું.