સાનિયા મિર્ઝાએ ફરાહ ખાનને બર્થ ડે વિશ કરવા કર્યો ફોન, ન મળ્યો જવાબ તો કરી આવી પોસ્ટ, જાણો વિગતે

મુંબઈઃ બોલીવુડની જાણીતી ડાયરેક્ટર ફરાહ ખાનનો આજે બર્થ ડે છે. તે 53 વર્ષની થઈ ગઈ છે. ટેનિસ સ્ટાર સાનિયા મિર્ઝાએ બર્થ ડે વિશ કરવા ફોન કર્યો પરંતુ ફરાહનો ફોન સતત વ્યસ્ત આવતો હતો. જે બાદ સાનિયા મિર્ઝાએ ફરાહ ખાનને સોશિયલ મીડિયા પર બર્થ ડે વિશ કર્યું. સાનિયા મિર્ઝાએ સોશિયલ મીડિયા પર બર્થ ડે વિશ કરવાની તેની કોશિશનો કિસ્સો વર્ણવ્યો છે.

ફરાહ ખાને પણ સોશિયલ મીડિયા પર સાનિયાને જવાબ આપતાં લખ્યું કે, તું આટલી વાતો ફોન પર ન કહી શકત. ફરાહ ખાન અને સાનિયા મિર્ઝાની મિત્રતા ઘણી જાણીતી છે.

સાનિયા મિર્ઝાએ લખ્યું કે, મેં તમને કોલ કરવાની કોશિશ કરી પણ તમારો ફોન બિઝી આવતો હતો. મારી લાફિંગ પાર્ટનર, મારી સોલિ સિસ્ટરને હેપ્પી બર્થ ડે. મારી ભરોસાપાત્ર વ્યક્તિ, જેની સાથે હું વાત કરી શકું છું અને કોઈપણ પ્રોબ્લેમ ડિસ્કસ કરી શકું છું. એક મજબૂત મહિલા, મારી નજીકની મિત્ર... આઈ લવ યુ ફરાહ ખાન કુંદેર.