એક ફેને પૂછ્યું કે શાહરૂખ તમે તમારી આગળની ફિલ્મનું એલાન ક્યારે કરો છો. તો જવાબ મળ્યો કે હું અત્યારે અમુક વસ્તુ પર કામ કરી રહ્યો છું અને જ્યારે સારું મટિરિયલ મળશે ત્યારે કંઈક કહીશ. તો બીજા એકે પૂછ્યું કે તમે કંઈ પ્રકારની ફિલ્મ બનાવવા માંગો છો. તો શાહરૂખે મજાકમાં કાઢી નાખ્યું હોય એમ કહ્યું કે હિટ ટાઈપની ફિલ્મ.
તો એક ફેને સીધો નિશાના તાકતા પૂછ્યું કે શા માટે તમે બોલિવૂડથી દૂર જતા રહ્યા. તો તેણે કહ્યું કે હું ખુદ જ બોલિવૂડ છું. તો એટલી વારમાં તો એક ફેને તેને ફિલ્મોની સીડી સળગાવી નાખવાની સલાહ પણ આપી દીધી. ફેને કહ્યું કે, સર આજે દશેરા છે તો રાવન ફિલ્મની સીડી સળગાવી નાખો. તો શાહરૂખે જવાબ આપ્યો કે અરે સળગેલા પર કેટલુંક મીઠું ભભરાવશો. ઉલ્લેખનીય છે કે શાહરૂખ ખાન છેલ્લે 2018માં ઝીરોમાં જોવા મળ્યો હતો.
શાહરૂખ ખાને એક સવાલના જવાબમાં કહ્યું કે ફિલ્મ ‘રા.વન’ તેના નાના પુત્ર અબરામે જોઈ છે અને આ તેની પ્રિય ફિલ્મ છે. અન્ય યૂઝરે પૂછ્યું કે શાહરૂખ ક્યારે અબરામની સાથે કામ કરતો જોવા મળશે તો જવાબમાં શાહરૂખે કહ્યું કે તેઓ અબરામના શેડ્યુલની રાહ જોઈ રહ્યા છે કે જેથી તેની સાથે કામ કરવાની તારીખ મળી શકે.
શાહરૂખના એક અન્ય ફેન્સે પૂછ્યું કે તેઓનું હોલિવૂડ ફિલ્મ ‘જોકર’ વિશે શું કહેવું છે તો શાહરૂખે કહ્યું કે થોડું ડરાવે એવું છે. આ સિવાય ફેન્સે શાહરૂખ ખાનને સાઉથના સુપરસ્ટાર જેવા કે અજીત, ધનુષ, વિજય જેવા એક્ટર્સ વિશે પૂછ્યું. શાહરૂખે કહ્યું કે તે યોગ્ય સ્ક્રિપ્ટની રાહ જોઈ રહ્યો છે માટે આગામી ફિલ્મ સાઈન કરવા માટે સમય લઈ રહ્યો છે.