શાહિદ કપૂરે 15 ફેબ્રુઆરીએ સવારે ટ્વીટ કરી લખ્યું કે, મે હાલમાં જ પુલવામાં થયેલી ભયંકર ઘટના વિશે સાંભળ્યું છે. આ ઘટનાથી હું દુખી છું અને શહીદ જવાનોના પરિવારો સાથે છું.
શાહિદના આ ટ્વીટ પર યૂઝર્સને ગુસ્સો આવ્યો છે અને તેને ટ્રોલ કરી રહ્યાં છે. યુઝર્સે લખ્યું કે આ ઘટના ગુરુવારે થઈ છે અને તેમે માત્ર સાંભળી, તો અન્ય યૂઝરે લખ્યું કે શું તમારું ઇન્ટરનેટ ધીમું હતું.
ઉલ્લેખનીય છે કે, જમ્મુ કાશ્મીરના પુલવામામાં આતંકી સંગઠન જૈશ-એ-મોહમ્મજદની ફિદાયીન હુમલાવરે 350 કિલોગ્રામ વિસ્ફોટકથી ભરેલા વાહનથી સીઆરપીએફના જવાનોની એક બસ પર આત્મઘાતી હુમલો કર્યો હતો. જેમાં 40થી વધારે જવાનોના મોત થયા હતા.