શાહરુખ ખાને બાહુબલીને ગણાવી બોલ્ડ ફિલ્મ, જાણો કેમ..

બૉલીવુડની બોક્સ ઓફિસ પર ઇતિહાસ બનાવનારી એસએસ રાજમૌલી દ્વારા નિર્મિંત બાહુબલી ફિલ્મ ચારે બાજૂ ચર્ચામાં છે. ત્યારે આ ફિલ્મની બૉલીવુડમાં કેટલીક દિગ્ગજ હસ્તિઓ પણ ભરપુર પ્રશંસા કરી રહ્યા છે. હવે બોલીવુડનો બાદશાહ શાહરુખ ખાન પણ આ ફિલ્મની તારીફ કરી રહ્યો છે. આ ફિલ્મે રિલીઝ થયાના ત્રણ સપ્તાહમાં જ હજાર કરોડથી વધુની કમાણી કરી છે. જ્યારે બોલીવુડના બાદશાહ આ ફિલ્મ જોવાનુ હજુ બાકી છે.

કિંગ ખાનનું કહેવું છે કે, તેમણે બાહુબલીનો પહેલો ભાગ જોયો છે. કમનશીબે તેમણે આ ફિલ્મનો બીજો ભાગ હજુ જોઇ શક્યો નથી. આ એક ખૂબ જ પ્રેરણાદાયી ફિલ્મ છે અને મારી સમજ પ્રમાણે બીજો ભાગ પણ એવો જ હશે. આ માત્ર આંકડાની સફળતા નથી પણ દ્ષ્ટિકોણનો કમાલ છે. આ ખરેખર સફળતાને લાયક ફિલ્મ છે

કિંગ ખાને વધુમાં કહ્યું તે જો તમે આવી મોટી ફિલ્મ બનાવવા માંગો છો તો અસંખ્ય લોકોના તેને વેચવાના મોટા સપના જુઓ છો. તો તમારામા કહાની બનાવવાની ક્ષમતા હોવી જોઇએ. હા એટલું જ નહી પણ સૌથી સારુ અને સૌથી બોલ્ડ તરીકે કહેવાની કળા પણ આવડવી જોઇએ. બાહુબલીમાં તે ખૂબજ છે.