બોલિવૂડને લાગ્યું ‘કેન્સર’નું ગ્રહણ, ઈરફાન બાદ હવે આ એક્ટ્રેસ બની તેનો ભોગ

સૂત્રોના જણાવ્યા પ્રમાણે, સોનાલી પહેલી સિઝનથી આ શો સાથે સંકળાયેલી હતી. મેકર્સ પણ સોનાલીને જ ત્રીજી સિઝનમાં જજ બનાવવા માંગતા હતાં. જુલાઈના પહેલાં અઠવાડિયે શૂટિંગ શરૂ થવાનું હતું. સોનાલીએ અંતિમ ઘડીએ શોમાં કામ કરવાની ના પાડી હતી. આ સમયે સોનાલીએ મેકર્સને અંગત કારણોસર તે કામ નહીં કરે તેમ જણાવ્યું હતું. જોકે, હવે ખ્યાલ આવ્યો કે સોનાલીને હાઈ ગ્રેડ કેન્સર હોવાને કારણે તેણે શોમાં કામ કરવાની ના પાડી દીધી હતી.

નોંધનીય છે કે, થોડાં સમય પહેલાં જ સોનાલીએ 'ઈન્ડિયાઝ બેસ્ટ ડ્રામેબાઝ' સિઝન 3 શો સાઈન કર્યો હતો. આ શોમાં તે જજ તરીકે જોવા મળી હતી. જોકે, પછી છેલ્લી ઘડીએ સોનાલીએ શોમાં કામ કરવાની ના પાડી દીધી હતી.

કહી શકાય કે, બોલિવુડને કેન્સરનું ગ્રહણ લાગ્યું છે. કારણ કે આ પહેલા પણ બોલિવૂડના અનેક સ્ટાર્સને કેન્સર થયું છે. જેમાં સૌથી પહેલું નામ દિગ્ગજ અભિનેતા ઈરફાન ખાનનું છે. તેમને હાલમાં જ કેન્સર થયાની જાણકારી મળી હતી. તેઓ હાલ લંડનમાં ઈલાજ કરાવી રહ્યા છે. આ પહેલા મનીષા કોઈરાલા, યુવરાજ સિંહ, લીસા રે જેવા સ્ટાર્સ પણ કેન્સર સામે સફળતાપૂર્વક લડી ચૂક્યા છે. બોલિવૂડે સોનાલીની હેલ્થને લઈને ચિંતા વ્યક્ત કરી છે અને તેને બીમારી સામે લડવા માટે શુભકામના પાઠવી છે.

સોનાલીએ ટ્વિટર પર બહુ જ ભાવુક પોસ્ટ કરી છે. જેમાં તેણે લખ્યું કે, હું મારા મિત્રો અને પરિવારજનોની આભારી છું. તેઓ મને લડવા માટે સપોર્ટ કરે છે, તેનાથી વધીને કંઈ જ નથી. હાલ ડોક્ટરોની સલાહ બાદ હું ન્યૂયોર્કમાં સારવાર લઈ રહી છું. હું આશાવાદ છું અને દરેક પગલે લડવા માટે તૈયાર છું. હું આ જંગ સામે લડીને બતાવીશ, કેમ કે મારી પાછળ પરિવાર અને મિત્રોની તાકાત છે.

સોનાલી બેન્દ્રએ બુધવારે એક ભાવુક પોસ્ટ કરી છે. જેમાં તેણે લખ્યું કે, ક્યારેક ક્યારેક તમે જીવનથી ઓછામાં ઓછી આશા રાખો છો, તો જીવન તમને એક કર્વબોલ ફેંકી દે છે. મને હાલમાં જ હાઈગ્રેડ કેન્સર થયું છે. એક અજીબ દર્દની ફરિયાદ બાદ મને કેટલાક ટેસ્ટમાં કેન્સર થયાનો ખુલાસો થયો છે. મારા પરિવાર અને નજીકના મિત્રો મને ચારે તરફથી સપોર્ટ કરી રહ્યાં છે.

મુંબઈઃ બોલિવૂડની જાણીતી એક્ટ્રેસમાં સામેલ સોનાલી બેન્દ્રેને લઈને એક ખરાબ સમાચાર સામે આવ્યા છે. સોનાલી હાલમાં કેન્સરની બીમારીનો સામનો કરી રહી છે. ટ્વીટર પર એક પોસ્ટમાં તેણે પોતાની બીમારીને લઈને જાણકારી આપી છે.